فهد العتيبي + سالم العجمي

[فـارس الحـرف]

فهد العتيبي=
"=
الاوله يامرحبا ترحيب يالضيـف الحشيـم=ترحيب للعجمان ونعمـه علـى العربانيـه
والثانيه لن جيت سالم جعلك تعـود سليـم=احسب حساب اعداك قبل تحسب الصدقانيه
"=
سالم العجمي=
"=
والثالثه دام البقا لـك يالعتيبـي يالكريـم=اتصر عين وعين زين ان شافت الاعيانيه
والرابعه بالك من النكبات تضرب فالصميم=جعلك صديق وماتحوبي في طريق احصانيه
"=
فهد العتيبي=
"=
ماطابت الايام لك مع حرب ولامع سليم=اصبر على كيد الليالي وازبن العتبانيه
انا ليامني بغيت ابني جدرماني غشيم=تذكر الفزعات في وقت القشر لومانيه
"=
سالم العجمي=
"=
اجل وانا ماني بقول النار من برطم شريـم=باقول هات الاوله وحسـب عليهـا الثانيـه
اهل الفلاح اتسير من فوق الصراط المستقيم=واهل الظلال الله بيحشرها مـع الشيطانيـه
"=
فهد العتيبي=
"=
يلي تسب شريم وانته فيك عاهه مستديم=انشد عن عيوني وانا بنشدك عن لاذانيه
العام يوم النار والبارود وتـذب الخريـم=يوم احتدوك القوم كبيت المعز والضانيه
"=
سالم العجمي=
"=
كانك تذكرنا نبـا نذكـرك فالعهـد القديـم=حالب على خشمك وعدك من حدى ورعانيه
الله يخلي لك هل الطربوش وفهـم يافهيـم=وانته ثلاث الليال مجلد ماش فيك السانيـه
"=
فهد العتيبي=
"=
السوء مقاديره تصدى للرجال وللحريم=لكن لاتنسى هل المعروف والي كانيه
فارد جناحي للدخيل وللضعيف ولليتيم=ويدامها قدامهانسيت يابارانيه
"=
سالم العجمي=
"=
الحسنه اللي ماوراها الا الاذي فعلن ذميم=وانته رفيق وتعكس السايد كذا بلعانيه
لا والله الا ياعتيبي قول والله العظيم؟ :)=حنا معيّشت الايتاما راضي وزعلانيه
"=
فهد العتيبي=
"=
اهرج على قيس العلوم ولاتزعلك حليم=ترا الحليم ليا زعل يقلب علاك الوانيه
نعمين يهل الشرق لن قابل خصيم مع خصيم=وهل قريه ماتحمل تستحل بثانيه
"=
سالم العجمي=
"=
اللي يشب النار يصبر ماهيب جنة نعيم=واللي ضحك من غير سن اقشر من الثرمانيه
انكان راح الشر منا فنت بك شرك مقيم=حط الجنايز فاللحود وكثر الاكفانيه

[king الوادي king]

سالم لاهنت لاهنت

وصح لسانك على الجزله المميزه ولاهنت على النقل وننتظر الجديد

[بندر العجمي]

محاوره ناريه ومعنى ومغنى وصح لسانك ولسان فهد العتيبي والله لايشينك ياسالم

[اسامة]

محاورة تستحق الاشادة

[هادي بن فهاد]

الله الله

تسلم يمينك وصح السانك

يا فارس الحرف على نقل الطيب

وصح الله السانك

فــــهــــد الـعــتــيــبــي& و &ســــالــــم الــعــجــمــي

والله لايهينكم

[شاعر القيفان]

وصح الله السانك

فــــهــــد الـعــتــيــبــي& و &ســــالــــم الــعــجــمــي

والله لايهينكم

[علي بن هضبان]

شـكــ وبارك الله فيك ـــرا لك ... لك مني أجمل تحية .

[(زيزوم يام)]

صح لسان سالم العجمي


وفهد العتيبي .

[عبيد العرجاني]

لاهنت يا سالم على القصيدة الجزلة

[مها العتيبى]

صح الله لسان سالم العجمى وفهد العتيبى