طبيب العياده

[طارق الوادعي]

دكتور واحساسك شراب وعقاقير=حكيك على جرح المعنا ضماده
غيرك تغير وانت مافيك تغيير=باقي لك ابكل المكارم رياده
اتحب لكن ما تحب الدنانير=واتسيد لوك ماتحب السياده
دايم ضيوفك عند بابك طوابير=كنك من اصحاب السمو والسعاده
الناس لآ طرتك تذكرك بالخير=ماظنتي تحتاج مني شهاده
كنك كذا جنه عليها العصافير=الطير يكثر والعطا في زياده
اكبر صفاتك ماتهاب المخاسير=ورثتها من بوك قبل الولاده
وانا مدام انك على القاع وتسير=ماعاد همي الارض لغدت رماده
واذا غزى همي بجيش المغاوير=وانزل على صدري حروب الاباده
هربت بجروحي بروحي مشاوير=والفيت يمك ياطبيب العياده

كل الشكر لكل من شرفني بقراءة هذه المتواضعه تحياتي

[الغروب]

طارق الوادعي

قصيدة جزله وابيات مميزة

صح لسانك .

[هادي بن فهاد]

الله الله

صح السانك اخوي طارق ولاهنت على القصيدة الرائعه

تقبل تحياتي

[بندر العجمي]

الله الله



صح الله لسانك



وقصيده طيبه والله لايشينك ياطارق

[الجادل101]

صح السانك وتقبل مروري

[عرجاني2]

دكتور ياطارق في راسك سعاطير.......صح الله لسانك تجيد القيادة

تقبل مروري

[ابو منيف]

يا سلام يا سلام قصيدة روووعه صح لسانك يا الوادعي ومتشوقين لجديدك

[مترك العمره]

صح الله السانك على هذه الابيات الرائعه