هزاع

[مترك العمره]

السلام عليكم ورحمة الله وبركاته

اسعد الله اوقاتكم بكل خير

قصيده في اخي الصغير/ هزاع

وآمل ان تنال على رضاكم

وهي بمثابت دعوة إلى إخواننا الملتزمين الصغار ان لا ينجرفون وراء الجماعات الضاله الذين عليهم من الله مايستحقون .

حيث لوثوا افكار ابنائنا وإخواننا الصغار وجعلوهم وسيلة لتحقيق مطامعهم السياسية

وحسبنا الله ونعم الوكيل

لأظلم سواد الليل والناس هجاع=ضاقت بي الدنيا ..افجوجن وسيعة
والضيقة اللي دايمه بين الاضلاع=كنها هبايب صيف باخر ربيعه
جورالشقا ظالم وحكمه بالانواع=ضيقة صدر واحلام ليلي امريعه
يالليل قلي,,وين..ماشفت هزاع=اخي عضيدي في نهار الفجيعه
عامين من صده ولانعرف اوضاع=عسى خبر ملفاه كلن يذيعه
حسبي على من ضلل الدين بخداع=وحط الجهاد خطه جديده خديعه
وخلا ه تحت امره سميعن ومطواع=لأمه وابيه اذنيه ماهي سميعه
وخلا لايسمع ولايقبل إقناع=وخلاه غادي في طريقة بضيعه
إنفوسهم للحكم تلهث بالاطماع=واصبح صغير السن كلن يبيعه
بحزام ناسف دمر الكل بأجماع=ونص الضحايا كبار سن ورضيعه
الدين ماهو سلعتن تقبل الباع=الدين رحمه ساسها بالشريعه
صدك ترى ياخوي غيم بالاوجاع=وجتنا إحقوقه بالهموم الفظيعه
أمك ترى معاد تمشي على القاع=جاها الشلل طاحت مريضة صريعه
ترى الفرح من قلبها اليوم منزاع=وإبيك دمعه في عيونه لميعه
يسج رجله في بعيدات ووساع=يخفي ونينه في سدودن منيعه
اشبح نجوم الليل والقلب ملتاع=حلو الهوى لاهب دايم يليعه
غيري ينام الليل واعيونه اشباع=وعيني لذيذ النوم منه اجويعه
نومي قليلن من عنا الفكر قطاع=ودمعي على خدي تزايد دفيعه

وسلامتكم

تحياتي وتقديري للجميع

[king الوادي king]

يالليل قلي,,وين..ماشفت هـزاع && اخي عضيدي في نهـار الفجيعـه
عامين من صده ولانعرف اوضاع && عسى خبر ملفـاه كلـن يذيعـه
حسبي على من ضلل الدين بخداع && وحط الجهاد خطه جديده خديعـه



الله يصلحه ويستر عليه ان شاء الله ويطرح فيه البركه
وهو كفو انه عضيدك ونعم العضيد والله انك سندت على جبل ثابت الله يبارك فيه
ولا هنت وصح لسانك والله لايهينك على القصيده في اللي يستاهل

[ابومحمد الشامري]

صح لسانك يا ابو نايف وتراك هيضتني

[بندر العجمي]

صح الله لسانك والله يرد غاليكم سالم غانم ويعافي والديكم والله لايشينك يامترك

[مترك العمره]

المشاركة الأصلية كتبت بواسطة king الوادي king

يالليل قلي,,وين..ماشفت هـزاع && اخي عضيدي في نهـار الفجيعـه
عامين من صده ولانعرف اوضاع && عسى خبر ملفـاه كلـن يذيعـه
حسبي على من ضلل الدين بخداع && وحط الجهاد خطه جديده خديعـه



الله يصلحه ويستر عليه ان شاء الله ويطرح فيه البركه
وهو كفو انه عضيدك ونعم العضيد والله انك سندت على جبل ثابت الله يبارك فيه
ولا هنت وصح لسانك والله لايهينك على القصيده في اللي يستاهل

القدير/ king الواديking

يامرحبا والله ومسهلا

سعيد بحضورك يالغالي

وتسلم على هذا الدعاء وهذا من طيبك

وصح الله بدنك

حضورك شرف ولاعدمناك

تحياتي لك وتقديري

[هادي بن فهاد]

صح الله لسانك

والله يرجعه سالم ويشفي الوالدة

عزالله ان القصيدة اثرة فيني

ولاهنت يامترك

[ابوعبدالرحمـن]

الشاعر / مترك العمره

صح لسانك

وأسأل الله ان يرجعه سالماً معافا

وأشكرك على هذه الدعوه الصادقه لشباب المسلمين

وتنبيههم من هذه الجماعات ونسأل الله لنا ولهم الهدايه

وبيض الله وجهك

ـــــــ

[مترك العمره]

المشاركة الأصلية كتبت بواسطة ابوحمد الشامري

صح لسانك يا ابو نايف وتراك هيضتني

الأخ العزيز/ ابو حمد الشامري

يامرحبا ومسهلا

سعيد بحضورك العطر

وخلاها على الله

وصح الله بدنك

حضورك شرف

تحياتي لك وتقديري

[ناصر الحطيم]

عسا الله يجيب الخير يامترك العمــرة .. ويرد الصغير صوب ربعه وشيبانه

.. صح الله لسانك يابو محمد .
واللة يصلحه انشالله ويرده ســـالم معافى .

تقبل مروري

أخيك /
ناصــــر الحطيــــم

[مترك العمره]

المشاركة الأصلية كتبت بواسطة بندر العجمي

صح الله لسانك والله يرد غاليكم سالم غانم ويعافي والديكم والله لايشينك يامترك

القدير/ بندر العجمي

يامرحبا والله ومسهلا

سعيد بحضورك العطر

وتسلم على هذا الدعاء الطيب وهذا من طيبك يالسنافي

وصح الله بدنك

حضورك شرف

تحياتي لك وتقديري