لسان وشفتيـــــــــــــــــــــــــــــــــــــــــــــ ـــــــن((مشاري المري)

[ثامر تركي]

لسان وشفتين
الحزن مايرحم الطيّب .. العـفّ .. الحزيـن
ليـن يستوطـن هجوسـه .. وتنفـذ طاقتـه
والحزن مـا يعشـق الا الرّجـال الغانميـن
لأن عنـده فكـره إنهـا إتحـشـم علاقـتـه
كن حبّـه لـي محبّـة صديـقٍ مـن سنيـن
يفخـر بصداقتـي .. وأفـخـر بصداقـتـه
أكرهه .. كره الفقيـر لحكـي طـلاّب ديـن
أحرجـه عنـد أقربـاه .. وبعـض رفاقتـه
كـل مـا سيّـر علـي والخلايـق راقديـن
قمـت أرحّـب .. طامـع بخفّتـه وإشفاقتـه
أتـروع منـه روعــة مزبـنـة الزبـيـن
لا ظواهـم مـن تثـيـر الفـكـر حداقـتـه
ويش أسوّي !! والحزن من يسار .. ومن يمين
رايـمٍ جسـمـي ريــام بــدوي لناقـتـه
بحمـد اللـي خالـقٍ لـي لسـان وشفتـيـن
تتعـب .. وتبعـث لفكـري بعـض رواقتـه
ويل قلبي .. كل مـا اذكـر تلفـات الحنيـن
وإشتيـاق اللـي مـزوح المحـبّـه شاقـتـه
اللي له في قلبي . مخوش .. وورود .. وونين
عاشقٍ!!ظرفـي سبـب صمـتـه ودنّاقـتـه
أعشقـه عشـقٍ يـروّع .. بطيبـة والديـن
طفلهـم تطغـى عـلـى طيبـتـه طفاقـتـه
وأشتحن له .. شحنته لـي أو أكثـر مرتيـن
وآآتلـذذ بزعـلـه .. وأحـتـرم حماقـتـه
بعده .. محسسني بكبر حجم (( الله يعيـن ))
مـن لسانـي كـل مـا تنـعـدم طلاقـتـه
ترف لو يطلب عيوني غلا .. بعطيـه عيـن
لجـل أشـوف بعينـي الثانيـه .. أناقـتـه
مزحه !! أحلى شي فالعاااالم وعقلـه رزيـن
يـاوجـودي مــن تـدلاعـه ولبـاقـتـه
ومن كثر ما فيه من طيبه .. وعفه .. وزيـن
قلـوا أصدقـاه ومـاتـوا قـهـر عشاقـتـه
ميت فيني .. ولو يجـرح إحساسـي بزيـن
ظيّـق الدنيـا بدمـع الذنـوب .. وظاقـتـه
ولو ما أسمع ( مرحباه .. وفديته ) ساعتيـن
أجــزم إن موبايـلـي عاطـلـه بطاقـتـه
لكن إنـه يرفـق بقلـب مـن بعـده حزيـن
حـزن مـن تبكـي عيونـه بعـض رفاقتـه
أقسم .. إني من غثا البعـد شبعـان وسميـن
مثـل مـانـا نـاحـل وجـايـع لأناقـتـه
وإن ظيقة صدري من الحزن ظيقـة سجيـن
وآدع الـزوّار .. وإقـفـي بــه لخناقـتـه
لكن إني أجحد الظلعـه .. وصـوت الونيـن
كنـي معـوق يـحـاول يــدس إعاقـتـه


الشاعر مشاري المري

[ليــه يازمـــن]

صح الله لسان قايلها

وماقصرت ولاهنت

وبيض الله وجهك على هالقصيده

بـــــس نســـــيت الضروس

تقبل تحيـــــاتي

[M!Ss LeGeNd]

ومن كثر ما فيه من طيبه .. وعفه .. وزيـن
قلـوا أصدقـاه ومـاتـوا قـهـر عشاقـتـه

ميت فيني .. ولو يجـرح إحساسـي بزيـن
ظيّـق الدنيـا بدمـع الذنـوب .. وظاقـتـه
ماشاءالله ابيات قمة
صح لسان شاعرها مشاري دايم مبدع
وتسلم يمينك اخي ع النقل الحلو لاهنت
يعطيك العافيه

[و أمووت برزه عقاله]

أقسم .. إني من غثا البعـد شبعـان وسميـن
مثـل مـانـا نـاحـل وجـايـع لأناقـتـه
وإن ظيقة صدري من الحزن ظيقـة سجيـن
وآدع الـزوّار .. وإقـفـي بــه لخناقـتـه
لكن إني أجحد الظلعـه .. وصـوت الونيـن
كنـي معـوق يـحـاول يــدس إعاقـتـه

مشاري المري / يسلم فم منطوقك ..

ثاامر تركي / تسلم يمنااااك ..

[ناثرة الورد]

{{ ثـامـر تــركي }}

/
\
/

مشكور على هالقصيــده الرائـ ع ـه

الله يـ ع ـطيك الـ ع ـافيه

وعساك على القوه

ننتظر جديدك المميز

/
\
/
كل التحـــيهـ

[نسل يام]

لاهنت علي النقل وصح لسان مشاري المري وبيض الله وجهه وجه الناقل .

[حــســن الــعــذاب]

لاهنت يا (( ثامر تركي ))

على نقل القصيدة والله يعطيك العافية

وصح ألسان مشاري المري على القصيدة الجزلة

دمتم , بحفظ , الله