على صدرك يابن سالف\\ركابي فوق ظهر الجن تعليته وثم شديت

[ماجد حمد الزيد الخالدي]

بإختصــــــــــــــــــــــــار

أستميت إن وصَّلت حد الكرامة أستميت=خذ قذايف روس جن مدربة لا يالزمال
أحسب انَّك ضمن فوجي واثرني بك ماغزيت=لعنبوا خف الجمل هو ضاري(ن) يخثع جمال

على صدرك يابن سالف بسالف مامضى مريت=ثمود اشقى ثمود(ن) هاج اشقاها واشقاها
وانا يا قدار لاجيتك ابا اطحن هامتك لاجيت=مصيبة والله ارسلني ولاتقدر توقاها
وطاك الليث ياعتل(ن) زنيم(ن) يابن الخرتيت=شجر وم في حلقك.... شجر وم واسقاها
رماح(ن) لي ونا ابن قريش تفتت هامتك تفتيت=من ابناء السلاطن خذ رماح الموت تلقاها
ونا واحد وبا امثل عن بني خالد وقد عاديت =وخذ رمحي بكبدك شق باطنها وعلقاها
ضحكنا ضحكت(ن) واليوم ساع الكر والتشتيت=بكر برايت(ن) عنقا ويامن شاف عنقاها
توسعنا وخلينا صغار القوم اهل ببيت=تعلى في مواقفها وسكناها وملقاها
عرفنا زمرت السقطى وشفنا زمرت ابو بشيت=تعلى بالمجالس في حديد القوم صنقاها
الا ياويلهم لامن اساميهم زعل سميت=لامثَّل في اساميهم والوَّث صافي انقاها
وش الي يجعلك تجنح عن كرام اللحى لتكريت=الا يامدور الزلة علامك قمت تنقاها
ياويلك هاج الفين(ن) عليهم قايد(ن) عفريت=تحت روعي وهم نوعي وروس الجن ارقاها
ركابي فوق ظهر الجن تعليته وثم شديت=وطاروبي الى الجوزا وشفت الكره سقَّاها
وداروبي على طوعي حتى في زحل حطيت=وشفت ابراج عاجيه بها اقزام ترقاها
وقدت جيوش مملكتي ملوك الجن ثم كزيت=ظهر جنيت(ن)تحتي ويل الي تلقَّاها
عسفت اشرس بني مهرس وسرت بهم ونا الخريت=اعرف اصعب مسالكها الا من تاه حمقاها
طحنت اللي علي سلَّي سيوف الحقد ثم سليت=سيوف الثار مثل النار تحت يمناي طرقاها
وخذها عن جميع احد(ن) من ابناء القريشي تميت=عفاريت(ن)تحاضبله! وهو برجاي ورقاها
الا يامبدي الحارة على الحيزا واهالي الصيت=الا ما رق جنحانك فلا تقدر تشقَّاها
علامك ياقصير الراي براي التفرقه حليت=الا لامرحب(ن)بك يا ذباب(ن)فيك زرقاها
جنحت ومثلك ان جنَّح نقول اطيبه ماسويت=ولكن لاتعذربنا ورب البيت تشقاها
عليك الجن ويا الحن على سورك لهم تصويت=دمج ماجد دوى نونة مع الجنة وعرقاها
الا يامقرد الجانح سواتك لاجل كم من بيت=من بيوت(ن) يجمعها كثر اسباب فرقاها
الا يامعذرب اللمَّه تحسب إنا الا زليت=نعديها .....فلا تمشي عصبكم دون صفقاها
ودنَّت ساعتك يوم إنك قصة حيَّكم دنيت=تمثل راسك الحذوه وحذوتكم لسرقاها
عليكم تحرم العشره عليكم حارم التصويت=تعرف المغزى والمغزى وبيت القول باشقاها
وسلامتكم=ماجد الزيد1428 هـ

القصيدة صوتية بالمرفقات وذلك حفظاً للحقوق الأدبية فلقد فوجئت بأحدى المنتديات بغلمانٍ يتهمونني بسرقة القصيدة من ناصر الفراعنة رغم احترامي لهذا الاسم وصاحبة ورغم سعادتي بهذا الاتهام
فمثل هذه التهمة الادبية موطن اعتزاز بطريقة اخرى
7
7
7
7

[فهد بن محسن]

صح لسانك ياماجد الخالدي

ولا هنت على هذه الرائعه

وهي مقاربة لقصيدة الشاعر ناصر الفراعنه .. ويمكن بحكم هذا الاقتراب قيل انها للفراعنه

تحياتي لك ولا هنت وصح لسانك

[ماجد حمد الزيد الخالدي]

صح بدنك يابو محسن تشرفت بمرورك والله ياابن اخي ما اشوف بينها وبين نوت وملوك الجن اي شبه لا بالتراكيب ولا بالالفاظ ولا بالقافية الا البحر وهذا وارد اما الغرض الشعري فشتان بين ماذهبت اليه وما اراد شاعر مضر العملاق ناصر الفراعنة علما باني لا ازعم بانها بمستوى نوت وملوك الجن

[سعود الخويطري]

لله الله الله




ماجد حمد الزيد




صح الله لسانك مدد مدد مدد بليّا عدد





قصيدة جزلة وكايفة من شاعر جزل





تقبل سلامي واشواقي

[عـسـاه خـيـر]

ونا واحد وبا امثل عن بني خالـد وقـد عاديـت ... وخـذ رمحـي بكبـدك شـق باطنهـا وعلقاهـا


كفـو كفـو . ونعم ببني خالـد يستاهلـون .


ماجد الخالـدي أهلا بك وصـح اللـه السانـك مـلاييـن

واللـه لايهينك وللأمانـه أبدعت يا الشاعـر

تقبل صافي الود والتقدير


عسـاااه خيــر

[بندر العجمي]

صح الله لسانك




والله لايشينك يالخالدي ووجهك ابيض

[عايض ال مطلق]

ماجد الخالدي

صح لسانك

ولا هنت على القصيده الجزله

ننتظر جديدك

تحياتي لك وسلامي

[عجمي ولي الفخر]

صح لسانك

وقصيده جزله من شاعر جزل

تقبل تحيتي ..

[عنـَـاد]

الاخ // مـأجد الخـألدي

رغم عدم فهمي لجميع معاني قصيدتك
الى ان المعنى في قلبك يالشاعر
ارى من وجهة نظري
ان لك جزالة في المعاني
لايتمتع بها الا شعار كبار شرواك
مثل ناصر الفراعنه وفهد بن فريك اليامي
ولهم قصائد معروفه ورديـات بينهم
واشيد بقصيدة بن فريك بعنوان النجمة السداسية
عندما رد على قصيدة نوت وملوك الجن للفراعنة
وهذا رابطها بموقع العجمان ان بغيت تسمعها
قصيدة بن فريك اليامي

فهي من القصائد الجميلة غزيرة المعاني وغامضة
مثل قصيدتك هذي

واثني عليك واشكرك على القصيدة الاكثر من رائعه
متمنيا منك تقبل مروري

/ خالد اليامي \

[ماجد حمد الزيد الخالدي]

الاخ سعود الخويطري صح بدنك وتشرفت بمرورك طال عمرك
تقبل مني صافي الود والاحترام
واشهد بالله اني احببتك لخلقك انت وكل من هاهنا فلله دركم ووالله ان هذا لمن حسن احلاقكم وتربايتكم نعم الفحول ونعم الحمايل
عزالله نعم الفحول