اصبر ولا اشكـي غيـر لله مـولاي

[عاليه الاخلاق]

السلام عليكم ورحمة الله وبركاته
منقوله

الصاحب الطيب أليـا صـد اناديـه=بالصوت كله ليـن يسمـع منـاداي
وان كان جاوبني عسـى الله يحييـه=اقوم له حشمه واحـط الـه مركـاي
وان كانه اوحى الصوت ما قال لبيـه=كنه يقول انـه يبـى اليـوم فرقـاي
اقفي مثل ما اقفـى ولانـي براجيـه=من باعني وشلون اصير اله شـراي
خلـه علـى كيفـه وعقلـه يقديـه=يبى يحصل من يوافـق لـه الـراي
وحقه عليه كـل مـا حـل طاريـه=ذكره بخير ولا افرح اعداه واعـداي
لو كان يبقى الجرح ما احد(ن) يداويه=اصبر ولا اشكـي غيـر لله مـولاي
ولا خاب من يرفـع يدينـه لواليـه=وانا لغير الله مـا ابديـت شكـواي
وختامها درس(ن) زمانـي عطانيـه=منه استفيد ان عشت في وقتي الجاي

[king الوادي king]

الله الله

صح لسان شاعرها وناقلها

وتسلم يمينش ياعزوتي دوسريه

وننتظر الجديد

[عاليه الاخلاق]

المشاركة الأصلية كتبت بواسطة king الوادي king

الله الله

صح لسان شاعرها وناقلها

وتسلم يمينش ياعزوتي دوسريه

وننتظر الجديد

ويمناك سالمه يا أخوي تشرفت بحضورك

[الفارسيه]

اقفي مثل ما اقفى ولاني براجيه

من باعني وشلون اصير اله شراي حكمه جميله واجمل منها مبدعها وناقلها

[noufa]

ولا خاب من يرفع ايدينه لواليه وانا لغير الله ما ابديت شكواي
صح لسان كاتبها وناقلها

[ناثرة الورد]

{{ عاليه الاخلاق }}

,
,

يعطيكـِ الف عافيه علي هالاختيار المميز
آآبداع غير مستغرب منكـِ
دمـتي بهذا الرقي

تقديري ..,

[يالبيه يالرقه]

لا هنتي على القصيده الجزله الوافيه
وتسلمين