سجل أعجابك .. بأبيات شعراء المجالس .. فقط ..

[شيخة الغلا]

من زود حبي * مناة القلب* سميتـه = ومن زود حبه *امير القلب* سماني
لا شفت طيفه بوسط الصدر ضميتـه = وإليآ ابتعد قلت : تو الناس ممداني ؟
وارجع واضمه بصدري ثـم بكيتـه = ومن شفت دمعه جرحني ثـم بكانـي
الهم في غيبتـه كـن الحشـا بيتـه = من بد هالناس .. يتركهـم وينصانـي

لـــــ العذب / أحمد بن جوفان

[همـ غلا ـسة]

تعبت اصبر ومل من التعـب صبـري
وتعبـت اكتـم علـى مابينـه وبينـي
ثقيل الهم في صـدري نَهَـك ظهـري
عسـى ربـي علـى مابـي يقوينـي
ورق خدي عليه مـن الجفـن حبـري
معاناتـي .. وآهاتـي .. ومافيـنـي
يتوه القلب ودوم احتـار فـي أمـري
ولا درب ٍ لـه احسـاسـي يوديـنـي
بقى اخلاصي .. مع همي .. مع سهري
وراح اللـي علـى عهـدي مبقيـنـي
رجايه ضاع .. وضيّع بالامل عمـري
ولا بـه مـن علـى مابـي يواسينـي




*************************

ليت العيون اللي سهرت لك ما بكت
ليت الفؤاد اللي صفا لك ما صفـا
ليت المشاعر بوحها لك قد سكـت
ليت النزيف اللي بقى بي له شفـا
ليت الليالي مع خبرها ما اوشكـت
ليت الليالي ما ارسلت لي بالجفـا
ليت المناكب للحموله مـا ارتكـت
ليت الذي صار بهواهـا قـد كفـا
ليت المشاعر بالمحبه مـا انهكـت
ليت المشاعر قد لقـت منّـك وفـا


**************************

ان غلطتي قلت غالي والغلا طبعه سماح
ماقدرت الا اني اصفح واستجيب امر الغلا

امتلا قلبي بجروحه كنّها طعن الرماح
مابقى للجرح منزل لكن بزود امتلا

ثم قريت الصبح عذرك عمت خير ٍ بالصباح
والمسا ان بان نورك يا هلا والله هلا

احبس الدمعات تنهل .. ابتسم رغم الجـِراح
الغلا ان بان يذبح .. والغلا بنفسه بلا



لـــــ عبداللــه ال مجحود

[جوهرة نجد]

صراحة محتارة ويش أقول لأن كل شاعر أحلى من الثاني
مبدعين &&&&&&&مبدعين&&&&&&&&مبدعين

[اسكيت]

يالعنزي بيض اللة وجهك على الفكرة

وصراحة الواحد حيران لانة كل القصايد جميلة شيجيب وشيخلي


مشكووووووووووورين

[النـوف]

.

.

.
تَسْجِيَلَ ..}



[اْلبُكَىَ] لَوْ يَرّجَعَ اْلغَآيِبَ سِنَينَ
............................... بَنْثِرَ اْمْنَ [الّدَمَعِ] قَدْرَ اْلُمْسَتَطآعِ!



عّآيَضَ الْوَقَدَآنِ

|..

[النـوف\نايفه عن كل البنات]

يعطيـك العـآفيـه عالموضوع المميـز

آنـآ عن نفسي عاجبتني هالقصيدهـ,,


يسري بي الهاجس .. ليامن ذعذعت ريـح الشمـال
.. .. .. .. كن الهبـــايــب تنـقـض جـروحــي .. ولا تـــدري بهـا

اقلب الذكرى واسـج الرجـل .. لا مـال الضـلال
.. .. .. .. واجر صوتـي ,, مـن غـبــن نـفـسـي .. ومـن تعذيبـهـا

تعبت اقول .. الهم زال .. وخابر إنَـه .. لا يـزال
.. .. .. .. وتعبــت ودروب الشقــا .. مبطــي ,, وانـا امشـي بهـا

وتعبت من طول السهر ما بين .. حزن .. وضيق بال
.. .. .. .. ومن ونـة ٍ(ن) وسـط الضمايـر .. كل ليل اسـري بهــا

وتعبت اكابر واخفي دموعي .. ليـا كِثـر السـؤال
.. .. .. .. عـن قصة ٍ(ن) والله مدري .. كيـف انـا ,, بـبــدي بهــا

الجادل الي من سنه .. من بيننـا ,, مـات الوصـال
.. .. .. .. راحــت ,, ولاضــن اللـيـــال .. الـمـقـبلـه تـاتـي بـهــا

يا حر كبدي يوم صـدَت ضايقـه .. والدمـع سـال
.. .. .. .. ما كنهــا إلآ تـنـتـخـي .. يـ/ احمـد ,, وطـرَت جـيـبـهـا

والله لولا العيب .. والمنقـود .. وسلـوم الرجـال
.. .. .. .. لا خمَــهـــا مـن بـيـنـهــم .. واصــد ,, واقــفــي بـهـــا

يا ويش اسوي ما قويت البعد ,, يـوم البعـد طـال
.. .. .. .. وكنـت احسـب اني من صغر سني .. وانـا نصيبـهـا

الله .. على ظلم الزمـن والله علـى جـور الليـال
.. .. .. .. ياكـم عـطـيـنـاهـا وهــي ,, دايـم تـشــح .. بطـيـبـهـا

نبني ونبني .. بالامل .. وآمالنا ,, صـارت محـال
.. .. .. .. وعـيـونـنـا مـن غـبـنـهـا .. قامـت تهـل ,, إلـي بهــا

اي والله اني عقبها عايـش علـى .. وهـم وخيـال
.. .. .. .. اكــذب على نـفـسـي واقـول : إن الليـال .. تجيبـهـا

الله يصبرنـي ليامـن ذعذعـت ,, ريـح الشـمـال
.. .. .. .. والله ينسيني ,, جروح ٍ(ن) .. ماحـد ٍ(ن) داري بهـا

للمبـدع آحمــد بـن جـوفـآن,,

[ماهمها شي]

ياضيقة الصدر..؟ قولي ويش أسوي بي
تعبـت مني..وحالـي منـه مشقينـي

ياما رجيت الوصـال بطيبـي وعيبـي
سلمـت لـه قلبي...وخـلاه نصفينـي

إن قلـت أحبـه بـدا بعده..وتغريبـي
وإن قلت مابيه..!يقرب..!( ياشقا عيني)

إحترت مني..ومني حـار مـن طيبـي
أبكي ندم مـن غـرام اللـي معنينـي

خلالي الهم ...(والهوجاس ساري بـي)
من عقب ماكاس حبـة كـان يروينـي

ليت المفـارق دوا جرحـي وتطبيبـي
والله لأشـري فراقـه بأجمـل سنينـي

لكـن مصيبه...غيابـه زاد تعذيـبـي
أصيح منه قهر...وأمـوت بـه فينـي

أدري بي ..وخابرة..والموت..يدري بي!
مني ...ولا فيه منـي طيبـي ولينـي

ياضيقة الصدر...؟ قولي لـه عذاريبـي
إن غاب..مته غلا..وإن جاني..يحيينـي




قصيده قرأتها واعجبتني حيل للمبدع
محمد المجول

[ابوعبدالرحمـن]

حذراك سـرك لا تفّشيـه للقـوم = لاتفّرح الانذال تضحـك شفاهـا
خلك عزيز النفس شهم ٍ وزيـزوم = ادعس على العسرات وارقا سماها

الشاعر / مترك العمره

[ابوعبدالرحمـن]

طراة الخوي ينسى عيوبك 00 ولاينساك = على طاعة الله خوة الطيـب 00 يذكرهـا

الشاعر / عبدالله بن منصّر

[ابوعبدالرحمـن]

ياغايبه 00 منهـو يجـي فـي مكانـك 00 !! = من يوم غبتـي والغـلا منتهـي فيـك
روحي ترى قلب ٍ على العهـد صانـك = يبقى لك أوفى مـن وجودك 00 لطاريـك

الشاعر / محمد المجول