أبنـ المَهانـ وشكواه

[al w3ely]

بسم الله الرحمن الرحيم
كيف الحال
بما ان هذه مشاركتي الاولى في منتداي منتدى (مجالس العجمان) حبيت أن أشارك بقصيدة شاعر مشهور لُقب (ملخج) إسمه /حمد بن ذيب المَهان
على ماأعتقد إنه غني عن التعريف وبما إنه من وعيل حبيت اجيب لكم روعه من روائعه أترككم مع القصيده,,,

ياعين يالـي نومهـا مـا هناهـا = لا زل ثلـث الليـل جاهـا عناهـا
قامت تهل الدمع من جور ما بهـا = عبايـرا تجـرح خـدودي بماهـا
عبرت رضيع فاقـد تشوفـة امـه = ولا خـلـوج ذابحـيـن جنـاهـا
والا يتيـم فـي ولايـة خـوالـه = روحه بيد مـن لا رحمهـا ولاهـا
والا سجين صكـو البـاب دونـه = حال السقف من دون شوفت سماها
وان قلت انا ياعين يكفي تصبـري = يكفي ترا ما صاب نفسـي كفاهـا
لا تسهرين المبتلـي يـا حزينـه = خايف على العين العما من بكاهـا
ردت علـي وحيرتنـي وقـالـت = من طاعتـه عينـه لمنـه نهاهـا
وراي الوم العين مـا الـوم قلبـي = والقلب سبت سهرها مـع شقاهـا
واصبحت انا متحيرن فـي عذابـي = وما لي بشكوى الحال مما وزاهـا
وشكيت همـي للجبـال الرواسـي = ولكن ونين القلـب كسـر صفاهـا
وشكيت همـي للبحـور الغزيـره = ومن ساع سمعت ونتي نش ماهـا
وشكيـت همـي للهبايـب وقفـت = وعجزت تشيل هموم قلبـي معاهـا
وشكيت همـي للفجـوج الوسيعـه = ولكن ونين القلب ضيـق فضاهـا
وشكيت همـي للنجـوم السـواري = ولكن ونين القلـب غطـا ضياهـا
وشكيـت همـي لليالـي الطويلـه = والصبـح بـان وونتـي مبتداهـا
ورحت اشتكي للشمس من حر مابي = والشمس غابت من خـلاه بخلاهـا
وتساوت الاظلام والنـور عنـدي = ما عاد اميز صبحها مـن مساهـا
ما لي جدا الا بـس دمعـه وونـه = وابكي بكا اللي حاجته مـا قضاهـا
ابكي من الحرمان واشكي من الجفا = وجـروح روحـي مالقينـا دواهـا
واعظ سني في بهامي مـن النـدم = وتلعب بي الحسره على ما طراهـا
واقنب قنيب الذيب واعول عويلـه = لما تكامـل عبـرت جـا سواهـا
كله سبـب مـن لاعنـي بالمـوده = وقفا واخذ روح ابن ذيـب خذاهـا
عذبني المجمول وحـرق ظمايـري = وحط بحشاي جروح تنزف دماهـا
خمـس سنـوات بالدقيقـه نعدهـا = والا لطيف الـروح يمكـن نساهـا
لا واعذابي مشتقـي بـه فـؤادي = والروح من تحت المحنـا سباهـا
خل شريت القـرب منـه بروحـي = عرضت له روحي وهو ما شراهـا
وانا اللي ارخص كل غالي من اجله =والا طلبتـه عـازه مـا عطـاهـا
علـي شحيـح شـح زود نـداده = وزود على كبـد المولـع ضماهـا
والهب على قلبـي بنـار المحبـه = وتسعين عرقـات بكبـدي كواهـا
ويشوف حالي ما يهون مصيبتـي = حسبي عليه ايش لون نفسه قواها
هذي سبايـب مـن برانـي بـوده = ولا رحـم روح بوصلـه شفـاهـا
وترجمت وناتي بمعنـي قصيدتـي = وارجي عسى يبكي لها من قراهـا
ويقوله اللـي حطـم البيـن قلبـه = يا عين ياللي نومهـا مـا هناهـا

تقبلوا تحياتي /[moveo=right] الوعيلي[/moveo]

[سعود الخويطري]

الوعيلي


ارحب والله يحيك في منتداك وعند بني عمك



وسلمت يمناك على القصيدة



وقصيدة جزلة من فرايد بن المهان



وتقبل سلامي واشواقي

[الخديدي]

لاهنت اخوي العويلي ...

[al w3ely]

بسم الله
كيف الحال عساكم بخير
اخوي سعود
الله يبقيك ويحييك
وجعل يمينك ماتعرف العطب

الخديدي
مشكور اخوي على المرور

اخواني مشكورين على المرور وعلى الردود

ومشكورين ياللي دخلتوا ولا رديتوا
والشكر خاص للي سوالي الاطار

تقبلوا تحياتي / الوعيلي

[راكان اليامي]

لاهنت وصح لسان ملخج والقصيده عندي بصوته مع مجموعة قصايد

[بندر العجمي]

لاهنت يالوعيلي على النقل الله يعطيك العافيه

لك مني أجمل تحيه

[مسعطر]

يا عين يا اللّـي نومهـا مـا هناهـا = لا زلّ ثلـث اللّيـل جاهـا عناهـا
قامت تهلّ الدمع من جور ما بهـا = عبايـراً تجـرح خـدودي بماهـا
عبرت رضيع ٍ فاقـد ٍ شوفـة امُّـه = ولاّ خـلـوج ٍ ذابحـيـن ٍ جنـاهـا
ولاّ يتيـم ٍ فـي ولايـة خـوالـه = روحه بيد مـن لا رحمهـا ولاهـا
ولاّ سجين ٍ صكّـو البـاب دونـه = حال السقف من دون شوفت سماها
وان قلت انا : يا عين يكفي تصبـري = يكفي ترا ما صاب نفسـي كفاهـا
لا تسِهِرين المبتلـي يـا حزينـه = خايف على العين العما من بكاهـا
ردّت علـي و حيّرتنـي و قـالـت : = من طاعتـه عينـه لمنـه نهاهـا
و راي الوم العين مـا الـوم قلبـي ..َ!!= و القلب سبّة سهرها مـع شقاهـا
و اصبحت انا متحيّر ٍ فـي عذابـي = و ما لي بشكوى الحال مما وزاهـا
و شكيت همّـي للجبـال الرواسـي = و لكن ونين القلـب كسّـر صفاهـا
و شكيت همـّي للبحـور الغزيـرة = و من ساع سمعت ونّتي نشّ ماهـا
و شكيـت همّـي للهبايـب و قفّـت = و عجزت تشيل هموم قلبـي معاهـا
و شكيت همـّي للفجـوج الوسيعـة = و لكن ونين القلب ضيـّق فضاهـا
و شكيت همـّي للنّجـوم السـواري = و لكن ونين القلـب غطـّا ضياهـا
و شكيـت همـّي للّيالـي الطويلـه = و الصبـح بـان و ونّتـي مبتداهـا
و رحت اشتكي للشمس من حُرّ مابي = و الشمس غابت من خـلاه بخلاهـا
و تساوت الاظلام و النـور عنـدي = ما عاد اميّز صبحها مـن مساهـا
ما لي جدا الا بـس دمعـه و ونّـه = و ابكي بكا اللّي حاجته مـا قضاهـا
ابكي من الحرمان و اشكي من الجفا = و جـروح روحـي ما لقينـا دواهـا
و اعظ سني في بهامي مـن النـدم = و تلعب بي الحسره على ما طراهـا
و اقنب قنيب الذيب و اعول عويلـه = لما تكامـل عبـرت ٍ جـا سواهـا
كلّه سبـب مـن لاعنـي بالمـودّه = و قفّا و اخذ روح ابن ذيـب خذاهـا
عذّبني المجمول و احـرق ظمايـري = و حطّ بحشاي جروح ٍ تنزف دماهـا
خمـس سنـوات بالدقيقـه نعدّهـا = والاّ لطيف الـروح يمكـن نساهـا
لا وا عذابي مشتقـي بـه فـؤادي = و الروح من تحت المحنـا سباهـا
خل ٍ شريت القـرب منّـه بروحـي = عرّضت له روحي و هو ما شراهـا
و انا اللّي ارخص كل غالي من اجله =وايلا طلبتـه عـازه ٍ مـا عطـاهـا
علـي شحيـح شـح زود نـداده = و زوّد على كبـد المولـّع ضماهـا
و ألهب على قلبـي بنـار المحبـه = و تسعين عرقـات ٍ بكبـدي كواهـا
و يشوف حالي ما يهوّن مصيبتـي = حسبي عليه ايش لون نفسه قواها
هذي سبايـب مـن برانـي بـودّه = ولا رحـم روح ٍ بوصلـه شفـاهـا
و ترجمت ونّاتي بمعنـي قصيدتـي = و ارجي عسى يبكي لها من قراهـا
و يقوله اللّـي حطّـم البيـن قلبـه = يا عين ياللّي نومهـا مـا هناهـا

الله الله الله ,,

هذا والله القصيد اللي يطرب المستمع و القاري ,,

صح لسان المهان على القصيدة الجزلة ,,

و صح لسانك يا الوعيلي ,,


تقبل مروري ,,
أستودعك الله ,,

[" مــــابه جديــــد "]

انشهد انها قصيده
صح لسانه منا لاماله مدا
ولااهنت يالوعيلي مدري عادك هنا ولا اعتزلت بسلاامتك