من تحت........ لتحت

[شيخة الغيد]

هذي القصيدة للشـــــــــــــاعر الرائـــــــع

حـــــــــــــــامد زيـــــــــــــــــــــــد

وانشااااااالله تعجبكم

	لو تعرف الخطايا كيف كنـت محـروم كان سود الليالي يوم طحـت سمحـت لو هموم المفارق مثـل كـل الهمـوم ماتشوفون عينـي بالدمـوع سبحـت ولو تحن المشاكل عقب حب الخشـوم كان حبيت خشـم المشكلـه واستحـت بين صـدة عزيـز وكبريـاء مهـزوم عين شحت علـى وعيـنٍ استسمحـت بس مالله خلقني مـن بكـاي معصـوم وادري انه المحاجر لو تفيض افضحـت والله اني على جرحي صبـور وكتـوم لكن ان الدمـوع ان روحـت روحـت اعذلتنـي ظروفـي وانهكتنـي عـزوم والوجيه احزنت لي والقلـوب افرحـت اشهـد ان الليالـي ماتعـرف السلـوم قلب جافي لقاه ووجـه صافـي بحـت راهنتنـي تبلـل بالدمـوع الكـمـوم ويشهد الله عليهـا راهنـت واربحـت احرمت نور عيني من غلا ريـم قـوم بـذرةٍ وارتوتنـي واثمـرت واطرحـت جـادلٍ دوم ماهـي مثلهـا كـل يـوم استضاحت غموض وبالغموض اوضحت دورت بين قلبـي والهـدب درب نـوم وامرحت وين مـدري المهـم امرحـت تنحت اسمي بقلبٍ جيـت فيـه معـزوم واسمها بين جلـدي والعظـام انحـت مثل جفني لعينـي بالنعـاس محكـوم كل مانمت نامت كل ماصحـى صحـت ماتعارض كلامي غيـر عنـد اللـزوم بس لا قمت اسولف واندمجت سرحـت دايم ازعل عليها بـس قلبـي رحـوم وهي تموت بعذابي من تحت لي تحـت مثل وجه العلاقه في ثيـاب الخصـوم ان تطيبت طابت وان جرحـت اجرحـت خصها الله بوصفٍ من خيـال معـدوم لا اذان اسمعتبـه ولاعيـون المحـت كن ربي خلقهـا مـن بيـاض الغيـوم ومن كفوف السحابـه بالـورد القحـت عن سواها فرقهـا بالقمـر والنجـوم وكل عذرى تباهـا بالجمـال انزحـت بالحلا هي كوم وباقـي النـاس كـوم كفـتٍ عادلوهـا بالبشـر وارجـحـت حسبي الله على اللـي مابغاهـا تـدوم من بعد كيف كانت شوف كيف اصبحت لاتحقـق وصـال ولا فـراق محتـوم خطـةٍ قربتنـي للفـشـل وانجـحـت لعنة العشق تبقى مثل ضرب السهـوم لو محى الوقت جرحه صورته ما انمحت كيف ابنسى وانا اللي من جفاف لسموم ماحشمت العيون ولا الدمـوع فلحـت كانهـا بالحميـا كـل ربعـي قــروم لو يلدون لاصعاب الظـروف صلحـت اجزم ان كنت ياقلبي شجـاع وجـزوم لـد لعيـون بنـتٍ لا التفـت الفحـت ماتهيـن البخيـل الا يديـن الـخـدوم دام كـف الخطايـا بالجفـا لـوحـت نطح الباس باس ونطـح اللـوم لـوم وان تهـدت تهـد وصيـح ان صيحـت ياتعيـش بمعـزه ياتمـوت محـشـوم ودك ان الليالـي لافعـلـت امـدحـت عمر ضعـف الاراده مايسـر الرخـوم ضربت السيف لوبيدين الشجاع ذبحـت

[فهد بن محسن]

لاهنتي اختي

شيخه

وتسلمين على نقل كتابة هذه القصيده للشاعر

حامد زيد



تحياتي لك يالسنافيه

[بدر العرجاني]

بالحلا هي كوم وباقـي النـاس كـوم
كفـتٍ عادلوهـا بالبشـر وارجـحـت

شيخة الغيد

تسلمين على النقل الطيب

[فيصل أل هتلان]

شيخة الغيد تسلمين على النقل الطيب

[الـعــتــيــبــــي]

شيخة الغيد


شكراً من الأعماق على النقله الجميله والرائعه


واختيارك الذي هو نابع من ذوقك


وصح لسان حامد زيد



تقبلي فائق ودي وتقديري


العتيبي

[فتاة الاساطير]

لاهنتي يالغاليه على هالنقل

والشاعر حامد زيد غني عن التعريف بقصايده القويه واسلوبه العبقري فالشعر

وصراحه انا من اشد المعجبين بهذا الشا عر

لكي مودتي

[شيخة الغيد]

ولانت اخوي فهد

واشكرك على طلتك

[شيخة الغيد]

اللــــــــه يسلمـــــك اخوي بدر

ومشكوووووووور عالمرور

[شيخة الغيد]

اللــــــه يسلمــــــك اخوي عزوة اخوانه

ومشكووور عالرد

[شيخة الغيد]

مشكوووووووور اخوي العتيبي عالرد