لو الشجاعه والكرم طيش وهبال .. ما شفت فعوال المرازيق صاحي

[العـــسر]

متواضعه للتواصل ...,,,

لاهنت يا دفتر .. تولّم للأمثال=دامك معي في ضيقتي وإنشراحي
غيث ٍ على صفحاتك البيض همّال=سقته .. وبرّاق الهواجيس لاحي
فاللي يعدّون الكرم .. طيش وهبال=حرام ... ماهم من طيور الفلاحي
ما للبخل فصدور الأجواد منزال= البخل ... يحريبه ردي المشاحي
وإلا السنافي .. ما تحسّف على المال=من دون (ما) وجهه ... لو المال باحي
صر الدراهم ... في رديين الأعمال=سر ٍ جعلهم ... يملكون الضواحي
وإلا الفخر ... ما يملكه كون رجال=حاف المراجل من جميع النواحي
يا حبر ... سجّل فالورق كل ما جال=وأخص بيت ٍ للهزيلات .. ماحي
لو الشجاعه والكرم ... طيش وإهبال=ما شفت فعوال المرازيق صاحي

سوالم