مساكم الله بالخير اعضاء وابناء منتداي الغالي
عدت لكم من جديد بقصيدة رائعه إنشإلله تعجبكم وتحوز على رضاكم
اترككم معها:
وصبري اللي عن الغالي وصل حده = واجتاحه الصدر ضيقة وانبرت حالي
والعمر محدود والايام ممتده = وماراح ماعاضني عن فقده التالي
والله لايرحم ظروف الوقت والشده = والجامعةوالعمل والبعد واشغالي
خلاني اخذ عن الغض الندي مده = اللي ليا جيت ولا رحت في بالي
مشتاق لعيونه اللي حيل مسوده= وخدن يزيل الكدر لاشفته اقبالي
ومشتاق لاخر علومه مزحه وجده = مامثلها إلا الشهد والسكر الحالي
ياكبر فرحي لاجت يدي على يده = ماكني إلا ملكت المنصب العالي
او فرح جداوين عود ليا جده = من بعد راح الجنوب وربعها الخالي
راح بعمل منجبر ماراح من وده = ومكث بها نص عام ورد طوالي
وانا كذا همجة الاشواق مرتده = من ضغطها صار تالي العمر يرثالي
والعاذل اللي عـذ لني ليه وش بده = لو شاف ماشفت خلاني على فالي
والله يذكر زمان(ن) فات ويرده = يوم المواصيل والغالي مع الغالي
كنا تواجه قبل روحه بلا رده = وقبل اختلاف الزمان وضعف الاحوالي
والموقف اللي يعل القلب من شده = في ساعتن عن بلاده شدت رحالي
و أنا ادري ان الزمن لو زان لا بده = لو ماعرفت الهواء يمكن إنه اشوالي
ســــــــــلامــــــتــــــــكـــم
منقوله:
لشاعر :
خميس العزمي
تقبلو مني خالص التحية:
أختكم : صــدى الاهـــات