عبـــــلان شـــاعر العجمــان والقهــــــوه

[العوووود]

أوي والله كيفه يا مطاليق=ما هى بكيفة لا عبين السباره
كيفة أدلال بالوصايف غرانيق=بيض تقلط صوب ضو المناره
ومحماسة يحرق بها البن تحريق=وتحمس وتفهق عاد فيها صفاره
فنجالها يأتي طري ليا ذيق=من الخوي يبري من الراس داره
لا صب بالفنجال ما به سواريق=مونة نظيف زايد في بهاره
ويصب للفرسان خيالة الضيق=نطاحة الفرسان في كل غاره
ويصب للي فرق المال تفريق=ما هو يحسب ربحها والخساره
ويصب للي يحتمون المشافيق=لا جاء نهاره فيه يشبك غباره
ويا الله أنا طالبك حظ وتوفيق=والحظ ما هو للفتي باختياره
طالبك قبا من طوال السماحيق=اصيله من طامرات الجواره
مليحة الذرعان مبرية السيق=مرتفع منها اللحم بلفقاره
تبري لذود ما تلوه الملاحيق=ولا ردها الشاوي تباري جفاره
ونرعى بها من قفرات الزماليق=لا عود الخناس يبغى دياره
في ضف مرذين الحفيف المرازيق=كم حفيف قد مشوا في دماره
يمسي ويصبح ما ركد له معاليق=مثل اجرب حس المداوي اذعاره
هل سربة ما هى تهاب التفافيق=عاداتا ما ضريت بالنياره
يتلون اخو لجعه زبون المشافيق=ويفداه شيخ حط روحه تجاره
حزام بن مانع* ليا نشف الريق=لا جاء نهار المعركه ذاك كاره
لا جاء نهار فيه صفق وتصفيق=لا من شوبا الحرب شبت اشعاره
والمنجي الله معتني بالمخاليق=يكسر ويجبر من نوى له اجباره
وختمانها بنطبق الهرج تطبيق=وماقل دل وزبدة الهرج شاره

[العارضي]

ويا الله أنا طالبك حـظ وتوفيـق
والحظ ما هـو للفتـي باختيـاره

الله الله عليـــــــــــــــــــــــــــك يالعوووووووووووووود وصح الله لسااااااانك ولساااان شاعرها والله يرحمه ان شاء الله

اختيار موفق ولاهنت عليه ....

[بن جمران]

صح لسانك يا العووود ولسان عبلان الله يرحمه قصيدة رائعة سلمت يا الغالي

[الهـــااادي]

صح لسانك يا العووود ولسان عبلان الله يرحمه
قصيدة رائعة سلمت يا الغالي

[حبيب]

صح السانك يالعود والله يرحم عبلاااانن

لاهنت على النقل

تحياتي

[محمد الشامري]

وختمانها بنطبق الهـرج تطبيـق
وماقل دل وزبدة الهـرج شـاره

صح الله لسانك يالعوود

والله يرحم شاعرها عبلان ويسكنه الجنه ان شاء الله


ولاهنت على الاختيار والنقل

[العوووود]

العارضي
ابن جمران
الهااادي
حبيب
محمد

لاهنتووووو جميـــــع على المرور

[البعيد]

العود

صح السان الشاعر ,ولاشلت يمناك


على هالنقل اللي اكثر من رائع

[السنافي]

لاهنت يالعووووود على النقل


والله يغفر لشاعر العجمان واموات المسلمين

[العوووود]

البعيد

السنافي

مرحبابكم جميع والله لايهينكم على المرور