،؛،.. في كــــفـــها خــــاتــــــم ..،؛،قصيدة بن فطيس

[مانع الوعيلي]

،؛،.. في كــــفـــها خــــاتــــــم ..،؛،

في كفها خاتم وفي خدها خال ..
.. وفي عينها غيم وعمارات وبيوت

الخال شفته واضحٍ من ورى الشال ..
.. والخاتم الماس مرصع بياقوت

والعمر في العشرين كني مانيب زال ..
.. والجسم كنه من جبل ثلج منحوت

جبل ولكن لا طرقه الهوى مال ..
.. وخطواتها ماهي بالأمتار بالفوت

ماهي تشوف الشمس من ظل الاظلال ..
.. ومصيافها ما بين لندن وبيروت

الشمس لو تشرق على جسمها سال ..
.. كنها مجسم محلبيه وبسكوت

ومن صغر مبسمها شقى حالها الحال ..
.. ما تاكل الا اللوز والخوخ والتوت

ماهي تشوف الناس تمشي وتختال ..
.. ومرٍ على جاكور ومرٍ على حوت

وخدامتين وهي بلا زوج وعيال ..
.. وسمعتها تدعي الدريول يياقوت

وثلاث جوالات ماهو جوال ..
.. ومن يوم خلقت كل شيٍ بريموت

لكن قلبي مالها فيه مثقال ..
.. وش قرب البشت الحساوي من الكوت

ياجعلها للي خذت قلبي نعال ..
.. اللي غلاها عندي الشرب والقوت

حوريةٍ من فوقها الليل شلال ..
.. كنها صبحٍ فوقها الليل مكتوت

قلبي لها من كثرة الشوق مشخال ..
.. وللسر عن كل المخاليق تابوت

تنحت لي من الحب في القلب تمثال ..
.. وحبي لها ينحت على الساحه بيوت

في عينها ماكل رجال رجال ..
.. وأقصى حدود الوصل في سلمها الصوت

زودٍ على القلب وعلى الحسن من آل ..
.. روسٍ لهم روسٍ على متونها بشووت

الى رضت موتوا يا أهل روس الأموال ..
.. وإلى زعلت جربت وش سكرة الموت

من دونها رجلي وراكب وخيال ..
.. والسيف والأمواج والبحر والحوت

[شيخة الغلا]

ياسلااام صح لسانك ولسانه ، وصح ذوقك واختيارك العذب قصيده في قمة الرووعه لاهنت على نقلها ،، بجد استمتعت بقراءتها دمت بعافيه

[مانع الوعيلي]

لاهنتي اختي الغنوج على المرور ويعطيش العافيه

[سعود الخويطري]

الله الله الله




صح الله لسان شاعرها وتسلم يمناك يامانع الوعيلي




وتقبل سلامي وأشـواقي

[مانع الوعيلي]

لاهنت اخوي سعود الخويطري على المرور ويعطيك العافيه

[((فديت العجمان))]

صــــــــح لــــــــســـــــــــان شـــــــــاعـــــــــــرهــــــا...
بصرااااحه القصيده روووووووعه

ومن صغر مبسمها شقى حالها الحال ..
.. ما تاكل الا اللوز والخوخ والتوت

ماهي تشوف الناس تمشي وتختال ..
.. ومرٍ على جاكور ومرٍ على حوت

وخدامتين وهي بلا زوج وعيال ..
.. وسمعتها تدعي الدريول يياقوت

وثلاث جوالات ماهو جوال ..
.. ومن يوم خلقت كل شيٍ بريموت

لكن قلبي مالها فيه مثقال ..
.. وش قرب البشت الحساوي من الكوت

[مانع الوعيلي]

لاهنت فديت العجمان على المرور ويعطيك العافيه

[الغروب]

قصيدة رائعة --- صح لسان شاعرها ابن فطيس

وشكرا للاختيار الطيب

[مانع الوعيلي]

لاهنتي اختي الغروب على المرور ويعطيش العافيه

[مسعطر]

صح لساااانك يا مانع ,,

و صح لسااان العملاااق شعرياً محمد بن فطيس ,,


ولاهنت على إختيارك الجممممميل ,,


تقبل مروري ,,
أستودعك الله ,,