قصيده ((سعد علوش))

[حبيب]

قصيده ((سعد علوش))

--------------------------------------------------------------------------------

مالي الاّ أقولك يغلا البشر سمعـن وطاعـه=أنت سافر وأطلق الاحلام .. وأتركني مكاني
مالك الاّ واحدن لارحت..؟ وقف ربع ساعه=ولقّاوجهه للجنوب .. وهل دمعه فـي ثوانـي
تستحق البكي .. يافرد الخطا .. وأجر الجماعه=وأستحق أنك تذكّرنـي وتسترسـل حنانـي
فلا طرالك صوتي المجروح يارب أستماعـه=شوف نفسك فالقزاز .. وحبّلي ذيك الاذانـي
جعلني ماعدم ذكرك فالوصـال وفالقطاعـه=والله أن كنّي فبعـدك فاقـدن أغـلا خوانـي
ممّرض صدري من أنواع التجففّ والمجاعه=ياهلالي الاحمر اللي مااعرفه قاصي ودانـي
عوذ باللّه..يمكن أن صدري لو أعمله أشاعه =شفتك أتحسّب خطا رجليك من بين المحانـي
جل من سـوّاك ياخلـط القسـاوه بالمياعـه=أشهد أنّك مختلف .. وأنشهد أنّـي عنفوانـي
خذتها من سرب جولن ضاع في سكّة ضياعه=وكنّها أتقول...الله الله در من بيـده خذانـي
لاتحاتي والله أنهـا بيـن ضلعينـي وداعـه=الوصاه اللي تقول .. العز .. لطوال اليمانـي
كل قمّه..فالشعر..او..فالكرم او..فالشجاعـه=أعرف أن فيها ذكر ياهاجري.. والاّ أقحطاني
هو كذا التاريخ . من قبل التصوّر والطباعـه=ولا عليهم زود .. ذربين المبادي والمعانـي
القنوع...؟ أيحاسبه ربي على حسب القناعـه=ويرحـم الله المحـب .. ويلعـن الله الانانـي
بس حبّيتك تطمن يارضـا القلـب ومتاعـه=يالوحيد اللي على العـار ماعوضـك بثانـي
رح فمان الله وأتركني وأنا ...؟ عندي مناعه =من كلامن مايجملّني .. وولايـراق لكيانـي
ماني اقوله ..؟ علاشـان أتّناقلـه الاذاعـه=أدري أني مبدعن ... جداً وصح الله لسانـي

[ابومحمد الشامري]

لا هنت يا حبيب على القصيدة الرائعة للشاعر المبدع سعد علوش واسمح لي يا ابو سعيد على تنسيق القصيدة على هذا الاطار

[راكان اليامي]

لاهنت يابو سعيد على القصيده الجزله وصح لسانك ولسان بن علووش

[أبو محمد]

لاهنت على القصيده الرائعه وصح لسانك ولسان الشاعر

[حبيب]

ابوحمد لاهنت على المرور والتنسيق


تحياتي يا السنافي

[حبيب]

راكان لاهنت على المرور يا الغالي

تحياتي

[حبيب]

ابو محمد لاهنت على المرور يا الغالي

تحياتي