ابن عماره يمدح (ال عرجـــــــــاء)

[بعيد الهقاوي]

السلام عليكم ورحمة الله وبركاته

في الحقيقه هذي قصيده للشاعر عبدالله ابن عماره قالها في زواج الشاعر حسن ابن نافل العرجاني

وقد نقلتها لكم من موقع ثاني واتمنى ان تحوز على رضاكم واستحسانكم






الله الله خير مبـدا ببتـدي بـه وانحنـي لـه .... بطلبـه ربـي يبـدل سيئـاتـي بالحسـانـي
وان لقيت ابليس لللـذات يومـي لـي شليلـه .... ماتبعتـه يـوم يومـي للطريـق المشبهانـي
عزتي له ضاع وقته يوم يومـي عزتـي لـه .... ماغواني دون عمري دون عمـري ماغوانـي
للطريق اللـي بداياتـه علـى جمـر المليلـه .... والنهايه في جهنم..0(كان ربـي مـا هدانـي)
والقصايـد ماتجيـب المرجلـه قولـه وقيلـه .... كم وكم من شاعرٍ قد قال: انا عنتـر زمانـي
وإن نشدته وين فعلك؟وش طلع ناتج حصيلـه؟ .... قال :مدري ما مداني هاه؟! مـدري مامدانـي
ناتج افعالـه (غثـاء السيل)مايربـح زميلـه .... شغلته فالمردحـه لاطـال عمـر المردحانـي
والذيابـه مـن مخالبهاعشاهـا تحتـدي لـه .... والحصانـي دوم دناعـه واسميهـا حصانـي
يوم ابو نافل صحيب الطيـب كسـاب النفيلـه .... كثّر الترحيب من طيبه ومـن جـوده دعانـي
كيف ما سج القدم حامي على حامي واجي لـه .... دامه الغالي وابن غالي واعـده مـن خوانـي
طول الله عمر نافل بـان بيـن قـروم جيلـه .... فاح صيته بين ربعه ريـح مسـك وزعفرانـي
في محلـه يـوم زان الكيـف بنـه زاد هيلـه .... مرحبا لان المكـان اللـي جمعكـم ذا مكانـي
ماعليه اخـلاف مـن رد الجميلـه بالجميلـه .... دامها طيب وجماله صـدق يستاهـل عيانـي
موجز النشره قضـا لكـن بعـد باقـي بديلـه .... باقي التفصيـل والتحليـل ثـم اعلـن بيانـي
.
.

راكب اللي كنها الخفـاق فـي راس الطويلـه .... من بنـات الريـح خمريـه حوافرهـا متانـي
فـي مقبلهـا سماحـه وانشراحـه وتهليلـه .... معجزه سبحان من نـزل لنـا سبـع المثانـي
الاذانـي بذرتين..ارمـوش عينيهـا ظليـلـه .... كن مناخرها حجول التـرف عـود الخيزرانـي
والشدوق اشبر وضيع من مزاياهـا الاصيلـه ....لجـة اللجـه معـا لحيانهـا ملقـى العنانـي
عنقها عنق الفريد اللـي يجفـل مـن مقيلـه .... في نحرها نحتت الفرعـون تبغـى ترجمانـي
والعداله ليّحـت ذرعانهـا مـن غيـر ميلـه .... زاوية سبعيـن فـي سيقانهـا رسـمّ بيانـي
والسماحيـق الملايـا مستطيلـه ..مستطيلـه .... ظهرها يجذب متون اعضودهـا عـزلا مثانـي
اللحـم ينصـى فقاحتهـا وخلاهـا جليـلـه .... ما تطبق فوق عرض جنوبها احبـال الموانـي
لا ادبرت كن ذيلها شختور من حـق المخيلـه .... نابثات اسدوسها سفـاح مـن فـوق الاذانـي
تنـزوي بشقاقهـا بشقاقهـا الاخـر بخيـلـه .... في نهار العيد عيد ضحيـه وعيـد رمضانـي
فرقها عن بنـت راع الطايلـه برقـع وشيلـه .... غير ربـي عاضهـا ملبوسهـا زل اصفهانـي
لا استفزوها وفـزت مـن مواطيهـا الثقيلـه .... فزت الملقوص لانّـس حـر سـم العقربانـي
فوقها لاشـاش مزبـان الدخيـل يشـد حيلـه .... هزت جيوش وعروش وهزت كبـار المبانـي
لاتراخـا كنـهـا قالت:ويـامـال الهشيـلـه ....اسهج اسهج لين اخلي النجم والمزنه وزاني!!
بالفرج بشـر دخيلـه بالفـرج بشـر دخيلـه .... لو عليه الدم يطبق طبقـت السحـر العمانـي
بين جمعين وبحر دربه خضر..تخلـي سبيلـه .... كرّها مـع فرّهـا تقبـل بعـد تدبـر رزانـي
كنها جلمود صخـرٍ هـد مـن علـويّ سيلـه .... ماتقايش عندها قحص الرمك مثـل السوانـي
غاية الشيخان والفرسـان لـو انهـا وسيلـه .... منوه اصبح دونهـا منيـه ماجابتهـا الامانـي
شافها شقران وابـدى الاهتمامـات الجميلـه .... ساق خيله في طلبهـا كلهـا قاصـي ودانـي
واعتذرنـا دون قاصـر يذكـر بهـدات خيلـه .... والقناعه عشر مـا ترجـع لراعيهـا ثمانـي
الهديـه ماتبـاع وكيـف تعطى؟مستحيـلـه! .... يـوم عيينـا عليهـا صفـوة الجـل البدانـي
حافظين اعلومها قبل الف ليلـه والـف ليلـه .... مدهـا ولـد الخليفـه جعـل يفـداه الهدانـي
شدها عبـلان مـن بـدع التماثيـل الجزيلـه .... وامها ركابهـا صقـر الجزيـره مـا يوانـي
ينطح الجمع الغفير بجمعه اللـي يرتكـي لـه .... واختها فاول جمـوعٍ قادهـا شيـخ آل ثانـي
واختها الاخرى معا زايـد وسماهـا الكحيلـه .... درب اخيها جرّته جـل الولـي مثـل المحانـي
احتمى له بن صباح ان فز لز..ويحتمـي لـه .... سرج ابيها لابرا للكـوم مـن فوقـه ضمانـي
طوعه راع العضيبـا طوعـه هـادي عميلـه .... المسيحير المسمى (قال:واللـي لـه حصانـي)
ماعسفها غير شيخ ونفخـر ان قلنـا مثيلـه .... شيخنا راكـان فعلـه ماغبـا وسـط البيانـي
يوم زعزع دولة المسقوف وادقـم كـل عيلـه .... قـام فاسطنبـول تمثالـه وهـز الصربيانـي
عسفهـا قـوى قوايمهاولامنـهـا فشيـلـه .... من طمان ليا رفاع ومن رفـاع ليـا طمانـي
فوقهـا يامقطـع الفرجـان شغمـوم ودليلـه .... سجها لعيـون بـراق النحـر والعمـر فانـي
نصهـا (خيالـة السمـرا) مقابيـس الفتيلـه .... بزرهم يسوى عقيـد ويعتبـر مزبـان جانـي
من (قنيبر) من (صلاح) الدم من نفس الفصيله .... (آل عرجا) كسوة العاري ليـا غـاب الفهانـي
للصحيب ارقـا سنـود وللحريـب الحنظليلـه .... حاربوا فعل الخنـا بالطيـب طلقيـن اليمانـي
فعلهم بالصلـب والصمـان مـا يخفـا دليلـه .... عـزوةٍ منـا وفينـا مـن قديمـات الزمانـي
لاتعصبنـا القنـازع نقطـع اكـبـادٍ غليـلـه .... في حمانا ما يحل اللـي بـلا مقـلاط عانـي
مايحـل..ان حـل بالغـارات حققنـا جفيـلـه .... قلتها نايب عن (المصرا)وفيهـا شـرح ثانـي
من حمد مسعود..مسعود انتمي لـه وانتميلـه .... احتمي(للشامري)و(الضاعني)فيهـم مـدانـي
محزمي (مرزوق) والا من على المتنين اشيله .... تاج راسي واعتـزي بـه لاحدانـي ماحدانـي
ياعوال (عجيم) ششت!!ولابقـا فاليـد حيلـه .... ارقبوا لي لين اعلّي واقطـف سهيـل اليمانـي
ياعوال(هشام) مرويـن الرهيفـات الصقيلـه .... الفصاحه من مخيخ المخ صبت فـي لسانـي!!
ياعقايد(يـام)لارد الـبـرا سـقـم الدبيـلـه ....الجنان اللـي لفانـي مـن جنـان الغيهبانـي
بطلـب الله مـا يزيله..ياعسـى الله مايزيلـه .... ياشغاميم محلـف يـا كـل يامـي وقحطانـي
دون قاصر فالقبايـل كلهـا واهـل الفضيلـه .... اسمعوا وش قالت الحكمه تراها مـن جنانـي
أكثـر المضمـون راح ولا تبقـى الا قليـلـه .... ياعزيزي المستمع لحظه معـي ركز..ثوانـي
يمكن القى مودماني..شخص..يسوى له قبيلـه ....بس ماالقالـي قبيله..كاملـه فـي مودمانـي
ماخضع راسي ولايخضـع ولا حولـي خميلـه .... دام يوجد شخص من ربعي عريبيـن المجانـي



وســــلامــــتــــكــــم


الشاعر عبد الله بن سالم بن عماره أل مصرا

[حبيب]

بعيد الهقاوي صح الساااااانك والساان ابن عماره

وبيض اله وجهه ولا عليه زوووووووووود

وابو نافل يستاهل المدح
لاهنت على النقل

تحيتي

[بعيد الهقاوي]

ولا انت ياحبيب

وشاكر لك مرورك يالغالي

اخوك : بعيد الهقاوي

[علي العرام]

نصهـا (خيالـة السمـرا) مقابيـس الفتيلـه .... بزرهم يسوى عقيـد ويعتبـر مزبـان جانـي
من (قنيبر) من (صلاح) الدم من نفس الفصيله .... (آل عرجا) كسوة العاري ليـا غـاب الفهانـي
للصحيب ارقـا سنـود وللحريـب الحنظليلـه .... حاربوا فعل الخنـا بالطيـب طلقيـن اليمانـي
فعلهم بالصلـب والصمـان مـا يخفـا دليلـه .... عـزوةٍ منـا وفينـا مـن قديمـات الزمانـي



صح لسان الشاعر ملايين قصيده جزله ورائعه ونعم في ال عرجاء

ويستاهلون المدح ولاهنت على النقل الرائع تحياتي لك

[ابومبارك]

بيض اللة وجه الشاعر وانشهد انه مدح من يستحقون المدح اوبيض اللة وجه الناقل لانها فعلا من القصائد الرائعه وانشهد باللة ان ال عرجاء يستاهلون المدح اولا هنتو

[الهاوي]

بعيد الهقاوي

صح الله ألسان شاعرها وناقلهاا

ولاترحمنا منك ومن جديدك

تقبل تحياتي,,,

[بعيد الهقاوي]

علي العرام

ابو مبارك

اسعدني مروركم العطر ويشرفني تعليقكم على القصيده
وماعليكم زووووود

اخوكم : بعيد الهقاوي

[بعيد الهقاوي]

الهاوي

هلااا وغلااا بك

وصح بدنك يالغالي

وانا رجااال اعجبتني ونقلتها اما بالنسبه اني ما ارحمك فالرحمة عند رب العبااااااد <<< لان الهاوي يقول لاترحمنا وهو يبي يقول لاتحرمنا

تقبل تحيات اخوك : بعيد الهقاوي

[فهد بن محسن]

الاخ \ بعيد الهقاوي


لاهنت على النقل الرائع للشاعر ,,,,,,,, ابن عماره



تسلم

تحياتي لك

[بعيد الهقاوي]

ولا انت يابو فيصل

ويشرفني مرورك العطر على المشاركه