وجودي وجد اللي حداها الذرى..

[الطرقـا]

وجودي وجود اللي حداها الذرى والشبك

شعتهـا البـروق وذكرتهـا مرابعهـا

تكسر عبايرها وتـرزم رزيـم ودبـك

عطت عمرها لامقدم الشبـك جابعهـا

ولا تسمع ألا عوقها يوم قال أبك أبـك

ولا صبحـت لا راعـى الـذود بايعهـا

على اللي سكاكينه تحبك المفاصل حبك

وقامـت مـدورة الفقـارى تقاطعهـا

وجودي عليك ووجد حالي وياما اصعبك

ظروف حدتني عنـك مانـي بطايعهـا

أيا واحدٍ لـوك بعيـدٍ علـيّ مقربـك

سكنت العيون وكـن قلبـي منازعهـا

ولا من ذكرتك يالغلا والزمن قال إبـك

تداريك عينـي يـوم تـذرف مدامعهـا

تخاف الدموع بسيل الأشواق لا تشربك

وتفقد عيوني صورتك وأنـت طابعهـا

أنا البارحة لاني بخاسـر ولا كاسبـك

وتلعب بي الفرقا على روس أصابعها

تذكرت بيت أوحيتـه العـام ويناسبـك

وأظنـه يناسـب حالتـي ياملوعـهـا

بدون إلتزام بمذهب القافيـة والسبـك

وكـل احترامـي للقصيـد ومراجعهـا

( عسى من حداني عن وليفي وأنا باغيه

تحده ذنوبه مـا يجـي بـارد الجنـة )

على البيـت هـذا والضميـر إن بـدا يأنبك

فلي رغبة مدري متى كنـت تشبعهـا

أيا السالب اللي من عرفتك وأنا موجبك

ولا وين نفسي عن مواصلـك تمنعهـا

ياليت الليالي في مكاني شهـر تقلبـك

وأصير بمكانك وأنـت ليتـك تجرعهـا

مرارة فراقك يمكـن تحـس بمعذبـك

ونفسك عقب طول المفـارق تراجعهـا

كتبتك بعمري بس أخاف الجفا يشطبك

ولا من شطبك الوقت رح عـاد رقعهـا

زمن يا مفرق شمل الأحباب أنا بشاربك

قلوب الولايـف ليتـك اللـي تجمعهـا

كفانا قساوة خطوتك يا زمـن طالبـك

وسومك على وجيه البشر من مدامعها

حداني على طرق التوجد حبيسـة شـبك

سنا البرق ذكرهـا الولايـف وضيعهـا

سنه والصفر لا روحـت وارده تطربـك

ولكـن طويـل الوقـت عـيا يطبعهـا

وأنا مثلها رغم الجفا ما قدرت أشطبـك

عيوني على فرقـاك تـذرف مدامعهـا



المبدع :: حمد السعيد

[على دروب الغانمين]

صح لسانش ولسان الشاعر

ولاهنتي

[عذاااب]

تسلم يمينك يالطرقاااا


وصح السااان شاعرهااا

[الطرقـا]

المشاركة الأصلية كتبت بواسطة لليمين در

صح لسانش ولسان الشاعر

ولاهنتي

صــح بدنــكـ ولآعدمت هـ الطلـــه الـآآيقه

[الطرقـا]

عذآآآب

تشــرفت بمــروتس ي الغــلآ

تسلميــــن

[الريمي 2009]

الله الله
ما اقول الا واعزي لعينه
والله طلع يطلع منه ابوخالد


الطرقا الابداع عليش ماهو بمستغرب ولكن ابن ادم مايملى عينه الا التراب في وجه العدو
نطمع بالمزيد من الذائقه الملكيه

[الطرقـا]

يؤ يؤ

ترآآب بوجـه الع ــدو فديتكـ

وابشــر بعزكـ

بس لآتحرمني من عطــر توآآجدك الغ ــآآلي

ودــي