الوقت غير الوقت والدنيا تدور

[عاليه الاخلاق]

الوقت غير الوقت والدنيا تدور = ماعاد فيها ناس تمسي هانية
حتى هل الاموال واصحاب القصور = تفتر دنياهم بهم في ثانيه!!
هدت شراييص الزمن ولا الصقور = جنحانها من وقتها متوانيه
من بعد ماهي كان من فوق الوكور = ماعادها بالاوله والثانيه!!
والذيب بعد الفرس يوم انه جسور = جاته ضباع الوقت والحصانيه
عدته مايفرس وهو دمه يفور = عشره غدت من وقتها ثمانيه
الله وكبر ياقديمات العصور = يوم الزنود تجر حبل السانيه
ياصاحبي كانك تبي كشف الامور = ابشر بها بجيبها علانيه
وكانك تبيها سر من بين السطور = قم اقمع النمرود والشيطانيه
واعرف ترى بيتن يجي من دون سور = تكشفه عين فلان هو وفلانية
والمبغضين اهل الغدد وسط الصدور = ماهم بكفوٍ داخل الميدانيه
والفتنه اللي قام ينقلها معثور = فالمانيا سارت وفبريطانيه!!
ياللي تحسب ان البنادق ماتثور = لاتغرك ثمار الغصون الدانية
لاثارت تفك الرقاب من النحور = ثم تحرق الاغصان والبستانية
يامتهمني بالكبر ولا الغرور =اهل الركاب ان جات حفية وانيه
تلقى الشحم والبن وانواع البخور = وازبن ارقاب الرجال الجانية
لني منا بقفي الى ثارت دبور = ولا انت تقفي لين حد عمانيه
ان كانت عيونك من الايام عور = فارجع على ذيك السنين الفانية
تلقى العلم مرفوع من فوق النشور = يوم ان هتلر ساد وسط المانيه
وابشرك لليوم والخفاق نور = شاشت جموع الخيل والفرسانيه
الوقت راح الوقت والدنيا عبور = الله يزين لوله والثانيه!!

لشاعرها / فهد آل مسعود المري