باسم يام وباسم همـدان الرجاجيـل الثقـات=جيت اعزيكم بأكرم من علـى الدنيـا انولـد

[راكان اليامي]

إلـه الكـون يـا ربـي سالنـاك الثبـات=لا تزيغ قلوبنـا يـارب مـن عقـب الفهـد
ثبت قلوب الخلايق يوم زاغـت فـي شتـات=من الذهول / من الفجيعه والوجيعـه والكمـد
القلوب تذوب من هول المصيبه يـوم جـات=والرقاب تقول علقت في شنـق حبـل المسـد
ما كأن الله خلق في الكون غيـرك يالسكـات=والدموع اللي بحـر الجمـر وبجـود البـرد
راح فهد العرب / فهد خزام خشم المعضـلات=فهدنا اللي لطمتـه تصلـم رؤوس ميـة اسـد
خادم البيتين حامـي الديـن ومقيـم الصـلاة=راح والدنيـا عليهـا اسمـه مخلـد لـلأبـد
مخطي ٍ من قال مات / الفهد باقي في الحيـاة=مخطـي ٍ مليـون الا مخطـي ٍ وبـلا عـدد
كيف مات وكيف مات وكيف مات وكيف مات=والله انـه حـي فينـا لـو يواريـه اللـحـد
اسمـه تهلـه غيـوم وينبتـه صـدر الفـلاة=ويتظلـل بـه فقيـر ٍ ويتقـوى بـه جـهـد
وذكره يدك الحصون ويرعب قلـوب الطغـاة=وان سمعه به مارق ٍ يبست عروقه ثـم هجـد
الشجاعه والكـرم والطيـب وأفعـال الدهـاة=اوشكت بانها تمـوت بموتتـه بـس الصمـد
حطها بعده بأخيـر مـن تعلـى المسرجـات=مروي السيف المذهب في مصاديـق الوعـد
والامانه لو تهـز اعتـى الجبـال الراسيـات=ما تهز القرم ابو متعـب سـوا قـام او قعـد
حاكـم ٍ تهتـز الارض لخطوتـه والنايبـات=تدري انه رجلهـا وانـه مـن اصلفهـا ورد
عظـم الله اجركـم يـا سيـدي والمفـردات=عاجزه توصف عظيـم الحـزن لكـن البلـد
لا بسه بجنوبها من حزنهـا الطاغـي عبـاة=ولك تناظر عينها في عز يـا صقـر الهـدد
وباسم يام وباسم همـدان الرجاجيـل الثقـات=جيت اعزيكم بأكرم من علـى الدنيـا انولـد
وجيت ابايع بالولا اللي ما تزعزعـه الوشـاة=لك يا بـو متعـب ولانـا وانتمانـا والعهـد
والعهد لك نحفظـه حفـظ النبـي للمعجـزات=حن مع صبعك بروق وحن مع صوتك رعـد
والولا بعـدك لسلطـان الفخـر والمكرمـات=والله انه ما كـذب مـن لقبـه وجـه السعـد
ويا إله الكـون يـا ربـي سالنـاك الثبـات=لا تزيغ قلوبنـا يـارب مـن عقـب الفهـد

سالم بن جلعان

[ابومحمد الشامري]

لا هنت يا ابو سالم على المرثية الجزلة والمؤثرة صح لسانك يا السنافي ولسان بن جلعان ، والله يرحم الملك فهد ويسكنه الجنه.

[راكان اليامي]

ولا انت وصح بدنك

[سالم ال قراد]

صح السانك يا ركان

كيف مات وكيف مات وكيف مات وكيف مات
والله انـه حـي فينـا لـو يواريـه اللحـد
اسمه تهله غيـوم وينبتـه صـدر الفـلاة
ويتظلـل بـه فقيـر ٍ ويتقـوى بـه جهـد
وذكره يدك الحصون ويرعب قلوب الطغـاة
وان سمعه به مارق ٍ يبست عروقه ثم هجد
الشجاعه والكرم والطيـب وأفعـال الدهـاة
اوشكت بانها تموت بموتتـه بـس الصمـد

[راكان اليامي]

اررررررحب يابن قرراد وصح الله بدنك

[عبدالله الوعيلي]

صح السان ابن جلعان
ورحم الله فقيد الامه الاسلااميــــــــه
والله يعطيك العافيه يا ابو سالم

[اخو ناصر]

لا هنت يا ابو سالم على المرثية الجزلة والمؤثرة صح لسانك يا السنافي ولسان بن جلعان ، والله يرحم الملك فهد ويسكنه الجنه

[راكان اليامي]

ارررررحب يااخو ناصر وصح الله بدنك يالغالي ورحم الله ابو فيصل

[سهـــام]

صح السان ابن جلعان
ورحم الله فقيد الامه الاسلااميــــــــه
والله يعطيك العافيه يا ابو سالم

[راكان اليامي]

اررررررحب يالوعيلي وصح بدنك ياذيب