ذاك المــــكان !

[حـــوران]

الســلام عليكم

موقف لاعاده الله من موقف

وقصيـدة منفردة بفكرتها خلتني اكرر قصيدة لنفس الشاعر ,

اتمنى محد منكم يمر بنفس الموقف , اقصد بنفس المكان

/
/

عزمتني بالمكان ، اللي عزمني عليـه !=ذكرتني فيه ، وانـا فاقـدة مـن زمـان
نفس الكراسي .. ونفس الطاوله .. والوجيه=ونفس السوالف على بالي بنفس المكان
ينشاف في سلهمة عينك ، وتنشاف فيـه=كان بيديني هنا ،, لا بـارك الله (( بـ / كـان ))
لي قلب ، ربي يصبرنـي معـه ويهديـه=مجنون ، واليا وَله ، زاد المحبة جنـان
صحيـح يغليـك ، لكنـه [ يبيـك ويبيـه ]=يحس معه (بدفا)،, ويحس معـك (بحنـان)
لهفة مجيّك تشابه .. لهفتي يـوم اجيـه=يغيب ، وتبين ، وليا منك سافرت .. بان !!
(( خذوني الناس والحظ الردي مـن يديـه=ليته مخوّن بعهد الحب ، واقول : خـان ! ))
ماقال لي: ليـه تجفانـي ؟ ولا قلـت: ليـه ؟=(كابر وكابرت) .. حتى قـال : يالله فمـان
ذيك الليالي ، واذا عندك حكـي بتحكيـه=في خاطري شي ، مايقدر عليه اللسـان
يامن معه قلب ، مايحتاج له ، واشتريـه؟=واصب فيه الغـلا الاول ، واصفـه وزان
قلبي ، على شان طاريه ليـا مـر فيـه=ماعاد تنزل ولا دمعه .. بـذاك المكـان

وســلامة قلـوبكم


للرائع / محمد مناحي المسعري

[خالد وبس]

خذوني الناس والحظ الردي من يديه
ليته مخوّن بعهد الحب ، واقول : خان !


موجعه
موجعه
موجعه


ياسلام الله على الاختيار
وصح الله لسان الشاعر وتسلم يمناك يا طير حوران


ارويتني
وهذي عوايدك !



تحياتي لك

[شيخة الغلا]

يامن معه قلب ، مايحتاج له ، واشتريه؟ = واصب فيه الغلا الاول ، واصفه وزان
قلبي ، على شان طاريه ليا مر فيه = ماعاد تنزل ولا دمعه .. بذاك المكان

^ أليمه

اختياراتك دايم منفرده 00 وفارقه ترا جد ننتظر منك الجديد لأنك 00 سيد الأبداع وذويـــق

[عليل المحبه]

ينشاف في سلهمة عينك ، وتنشاف فيه
كان بيديني هنا ،, لا بارك الله (( بـ/ كان ))



الله الله


موقف مهو بغريب علي

صح السان الشاعر


وتسلم ياحوران فديتك


رائع بكل حالاتك




لاهنت

[النـوف]

حــوران


سلمت يمنــااك على نقل هذا الحس الراقي

و صح الســانك و السان شاعرها


اختيــار رائع و ذائقــة اروع

من هم بشاكلتك لا أنكر أنهم متذوقون للشعر الحقيقي



تقــديري

[هادي بن فهاد]

وصح الله لسان الشاعر وتسلم يمناك يا طير حوران
شـكــ وبارك الله فيك ـــرا لك ... لك مني أجمل تحية .

[ام غادهـ]

رووعه

[ما عدت أنا]

.

بعض الأماكن لها واقع جميل في حياتنا ،،
والبعض الآخر على النقيض تماما ،،

الجميل من هذه الأماكن يسوقنا الحنين لها ،، كما ساقتني الأقدار ،،
لأن أقرأ هذا الزخم الشعري الجميل ،،

نص يعزف الألم بعذوبه ،،

حـــــوران : لــ اختيارك ورده لا تموت بأذن الله ،،

.


.

[الغروب]

ليس بجديد أن نجد هذه العذوبة في الأختيار

عذبة رغم قسوتها ... قريبة برغم المها

حـــــــــــــــوران

اختيار مميز كما تعودنا

وصح لسان شاعرها .

[على دروب الغانمين]

لاهنتي على النقل والاختيار ياشاعرنا وصح لسانك ولسان الشاعر محمد مناحي المسعري