هذي قصيــــدة كتبها الشعر الكبير / سالم بن جخيــــر
بعد مسلسل طاش ماطاش اللذي لايخفى عليكم أغلب الجميــــع شاهدة
هذا المسلسل أعتقادي انه غير مقصود في قبيلة آل عرجا وهذي مجرد فكرة من كاتب تافه عنبر الدوسري . و آل عرجا ربعنـــــا ولا أحد شكك في تاريخهم ومجدهم واللي يحسهم يحس العجمان ويام كافــــه . إليكم قصيدة الرائع شاعرنا الكبير / سالم بن جخيـــــر
البارحه غنّيت يـوم الفكـر شـاش=وأسرجت قيفان البيـوت الجزيلـه
مانيب أجيب ابيات شعرى على ماش=شاعر ولا اجيب البيـوت الهزيلـه
يا نفس شومى واعتلى فوق مبداش=ومبداش روس النايفـات الطويلـه
احداش عن درب المقفين واحـداش=عن غلطة الجاهل وعن كـل ميلـه
جعل الردى يفداش واللاش يفـداش=واهل الحكى واهل النفوس الثقيلـه
يا غلطة الجهّال وشلـون ننسـاش=شلـون ننسـى بيـن ليلـه وليلـه
المسأله ماهيـب تصويـر وافـلاش=المسألـه غايـه وليسـت وسيلـه
يا شلّة الجهّال مـا عـاد منهـاش=لا وصلت الدعـوا لـراس الفتيلـه
يا خيّلا البل طشت والراس لا طاش=ماهوب راكد ليـن يشفـى غليلـه
حنّا هل الوقفه من الطـاش للطـاش=ناقـف الـى بـار العميـل بعميلـه
حنّا عذاب القوم مسـرى ومغبـاش=اهل القنا واهل السيـوف الصقيلـه
علومنا ماهيب فـى راس قـرواش=وماهيب فى راس الخبـل والحليلـه
إلى نوينـا الشـى ينّـاش ينّـاش=ناتى علـى قـبّ المهـار الاصيلـه
تاريخنا ماهوب فى طاش ما طـاش=تاريخنـا يمطـر سـوات المخيلـه
ما عندنـا هافـى ولا عندنـا لاش=يكـرم نبانـا عـن دروب الرذيلـه
والمهره اللى عرشها داخل الجـاش=ما مثلهـا فـى ناقضـات الجديلـه
حنّا لهـا بافعالنـا ستـر وفـراش=حن سترها من دون برقـع وشيلـه
حنّا لها محـزم ومدفـع ورشـاش=من الجنـوب اليـن حـد المسيلـه
يا خلطة العنبر بعـد مـا كشفنـاش=مع الهـوى رحتـى بليّـا حصيلـه
تسدّحى واللـى تسـدح بطريـاش=اقصى علومـه بيـن قالـه وقيلـه
مثل القصب لو يجتمع داخل فـراش=يذوب لا من المطـر سـال سيلـه
هذا كلامى وافهمـوا زبدتـه كـاش=والهرج دايـم زبدتـه فـى قليلـه
امّا يعيش الراس بالعـز لا عـاش=وإلاّ ممـات الـعـز دون القبيـلـه
صــــــــــــــــــــــــح لسان أبن جخيــــــر
تحياتي لكم جميــــــعاً
أخوووووووووووووكم
راعي المهدبــــــــــــــــــــــــــة
03-10-2006, 02:43 PM
العرض العادي
المواضيع المتشابهه
