لامن ذكرت إن خوياي المرازيق ---- ينزاح هم القلب و أصير رايق

[مسعطر]

كل ما فرحت بدنيتي جاني الضيق=يا عزتـي للمودمـي لا تضايـق
أبكي و أهل الدمع و أنشف الريق=و يسوقني للضيق و الهم سايـق
و لامن ذكرت إن خوياي المرازيق=ينزاح هم القلب و أصيـر رايـق
ربع ٍ( رقو ) لين اعتلو قمة طويق=و متميزين ٍ بيـن كـل الخلايـق
مبيضين الوجـه ربـع ٍ مطاليـق=ربع ٍ يفكون النشب فـي دقايـق
جمع ٍ يجيله جمع ويصير تفريـق=إن كان ما جاهم مـن الله عايـق
يردون لحياض المنايـا مشافيـق=وقلوبهم ما هيب رهف و رقايـق
عجمان و العجمان غير المخاليـق=استغفـر الله مـا لحقنـا لحايـق
عجمان وسط الجوف بين المعاليق=وعيونهم من باب قلبي ( توايق )
و تاريخهم كايد و لا فيـه تلفيـق=و عندي على هذا قصيد و حقايق

خالد بن رمثان ,,

صح لسانك على ذالقصيدة ,,


و لكن عندي تعقيب و إختلاف وجهات النظر لا يفسد للود قضيه

في البيت الثالث قلت :

و لامن ذكرت إن ((خوياي)) المرازيق=ينزاح هم القلب و أصيـر رايـق

المرازيق عيال عمك كيف تطلق عليهم لفظة : (خوياي) ..!!!!

اي فئة او شخص او عائلة تسمّى بأقرب صلة تربطك بهم ,,



و لولا البيت الثامن هذا :

عجمان و العجمان غير المخاليـق=استغفـر الله مـا (لحقنـا) لحايـق

لو اني ما انتبهت لـ كلمة (لحقنا) و الظمير (ـنا) كان قلت ان شاعر القصيدة ذي مهوب عجمي ,,
و يمدح بها العجمان ,,


عموماً يا خالد صح لسانك و ما قصرت وهذا ما ينقص من شاعريتك ,,


تقبل مروري ,,
أستودعك الله ,,