خفوقي والهجر

[عبدالله ال مجحود]

الوصال أرّث فؤادي للهجـِر
من عقب خل ٍ عن اوطاني هجَر

والظلام اللي تركني للفجـِر
كافر ٍ بي من عقب دينه فجَر

الزمان وحاجر ٍ حظي حجـِر
واللهايب ما ذرت حتى الحجَر

من سنين وخاطري دوم ٍ ضجِر
لين ضاقت به مقامات الضجَر

لا توابيخ نفعتني ولا زجـِر
ولو خفوقي من قبل مابي زجَر

من ردى حظي تعاساتي تجـِر
خيبة آمال وشقى عمر ٍ يـّجَر

دقني قلبي مثل دق النجر
وطاحت دموعي كما اوراق الشجر

خاتمة صبري عساها للاجر
وليتها يمي توافيقي تـِجر