طلبتك قول تم!

[عيد سمران]

اطلالتي الشعريه الاولى بينكم هنا

ان كان ماسأقدم هنا ينال اعجابكم فهذا هدفي

وان لم يكن كذلك فالقادم باذن الله اجمل معكم

اليكم اولى الخوات بمحطتي الاولى هنا:-

*
*
*

طلبتك قول تم ارجع ورى للماضي اللي فات=تعال ولاتناسا الماضي اللي به حكاوينا
تعال اجلس معي لحظه وشاركني عنا الونات=تعبت ارثي عنا حالي على ماضي ليالينا
تعبت من ارتحالي في متاهة سكتي بالذات=على جال الرصيف اللي شهد اول تلاقينا
على جال الرصيف اللي شهد اول ليالي جات=بها الصدفه بوقتٍ به بدت خطوة محبينا
به الصدفه بدت واسترسلت ضحكة خفا البسمات=على صمت السكوت اللي كسى فينا تحاكينا
على صمت السكوت اللي يعبر باول ابدايات=على نقطة بدايه في مسيرتنا بماضينا
على نقطة بداية سطرّت شمس اللقا الضحكات=تعبر عن براءتنا الياصبحنا و امسينا
تعبر عن براءتنا باول سكة الخطوات=الى آخر محطه من محطاتٍ بها جينا
ومن آخر محطه بعدها غابت عن النظرات=بعدها غابت ولاجت ولادري وينها الحينا
بعدها غابت ولادري متى تاتي عن الروحات=وانا اللي كل ليله انتظرها عل تلفينا
وانا اللي وين ماكانت بقت في خافي بسكات=يناجيها الخفوق اللي قعد يرثي مآسينا
يناجيها الخفوق اللي يسامر غيبت النجمات= يطل الصبح ويغيب نبنّي في أمانينا
ويطل الصبح ماجتنا علوم ولاحصل شوفات=على آلام الفراق اللي بقى سنين وسنينا
على آلام الفراق اللي مازال مبيت النيات=على تحطيم ربان الامل مابين الاثنينا
على تحطيم امانينا بقينا نصارع الرغبات=وانا واللي على بالي ضحايا عصر ماضينا
وانا واللي على بالي بقايا شي كان وفات=على آمال ان ماض الوقت يرجع لي يصحينا
على آمال الزمن يرجع ولكن الزمن بسبات=ولادري وش يصحي وقتنا من قبل ينعينا
ولادري وان نعانا الوقت كيف نصارع الآهات=شموسٍ غيبت باكر لكم تسرد شكاوينا
شموسٍ غيبت باكر لكم تروي خفا العبرات=ضحايا عصر متبلد ماهو (عدنان مع لينا)