خـالـد وبس ضيفنا هذا الاسبوع في وجهـا لوجه ..!

[خالد وبس]

المشاركة الأصلية كتبت بواسطة مسعطر

السلااام عليكم و رحمة و بركاته ,,


وعليكم السلام هلابك يا ابا السعاطير


قريت بعض ردوك (مهوب كلها ) و اعجبتني من خلال ما لاحظت من ..
ذكاء + روغة سببها الإحراج او التحفظ + دبلوماسية + إحترام ,,

أهنئك على ذلك


تسلم على ذوقك وفطنتك ودهائك



الأسئلة منوّعة ولالها علاقة ٍ فيه بعض يعني لا تستغرب من شي ما طرا علي كتبته هنا





1 - علومك و علوم الحمولة و اللابة ؟؟؟؟


ابشرك على ما تحب


2 - المقناص ..!! قد قنصت .؟؟ وين ؟؟ و اذكر لنا موقف طريف و موقف لا ينسى ؟؟؟
اذا كنت راعي مقانيص ..


المقناص ما اعرفه الا باسمه !


3 - بما انك كويتي .. كم مرة جيت السعودية و هل لك قرايب فيها و وش تعني لك السعودية (بعيد ٍ عن العاطفة و المسانع ) اذاك تعرف معنى السانع ؟؟؟


انا كويتي وعروقي فالسعوديه .. ولا لي فالكويت الا ابوي واخواني فقط لاغير
و99% من قرايبي فالسعوديه .. والسعوديه تعني لي كل شي حلو .. احبها ولا ارتاح نفسيا الا
اذا جيتها براً .. او جواً


4 - شاعر كبير مثل سلطان الهاجري

يقول في قصيدة له وصلتني بطريقتي الخاصة :

والله إنّك ما تلذذ فالحياة=فالوجود و كنّ منتب فالوجود
الغناة بدونها ماهي غناه=لا تنقّص فالحياة ولا تزود
الأبل تزود الرجل سمعة و جاه=و اللي ما يشقى بها مافيه فود
مهما قالوا : طيبه أكثر من رداه=و مهما طاريّه مع الناس مْحمود
حتى لو هو غالي ٍ ينقص غلاه=كان ما يعشق مواريث الجدود ..!!!!

وش رايك فيها ؟؟ هل تعتبر خطا كبير من شاعر كبير خطائه بعشره ؟؟؟
علماً ان عندنا و ابل و حنا اهل ابل لكن ..!!
اترك التعليق لك ؟؟


انا ضد التوجه السائد عند اكثر الشعراء / بمعنى ان اللي ما يحب البل ماهوب رجال .. والا اللي ما يحب
حضرة سمو اللي يشرهه ماهوب رجال .. وسلطان الهاجري حاله حال غيره من الشعراء
المتمسكين بهذا النهج العقيم وهو ( حب اللي انا احب .. والا ما فيك خير )
لذلك انا ضد ان اجبر اي متلقي على الاقتناع بما اريد من خلال هذا النهج التقليدي الساذج !



5 - كم عمر العضو خالد و بس .. او التقريبي ؟؟


اواخر العقد الثاني .. تقريباً


6 - الشعّار و الأسماء المستعارة و المنتديات و الحقوق الأدبية ..!!! تكلم بإيجاز ؟؟؟


لا توجد حقوق ادبيه في الشبكه العنكبوتيه اطلاقاً .. هذا من ناحيه !!
من ناحيه اخرى .. ارى ان الشاعر الذي يختار المنتديات سواءً باسم حقيقي او اسم مستعار
يجب ان يتحمل حلو هذه التجربه ومرّها .. ويحاول ان يصقل موهبته مع الشعار
المبدعين هنا وهناك !


7 - هل ابيك او جدك شاعر او أحد افراد العيلة الكريمة شاعر ؟؟؟
مع ذكر قصيدة او ابيات ان وجد او امكن ..


ما فيهم الشاعر .. ما غير انا اطقطق بس



8 - في احد أسئلة الأخت نصيب الغير ..



.هل ترى ان لـلـطيب في هاذ1 الزمن تقدير ..!؟



لا اعتقــد .. وسعد بن جدلان يقول :

ودنا بالطيب بس الزمن جحاد طيب % كل ما تخلص مع الناس .. كنك تغشها !!


انا آخالفك و بشدة .. و هل انت متأكد من اجابتك ولا ذي إجابة نموذجية و مستهلكة قلتها بدون تفكير ..؟؟؟؟


نعم متأكد من اجابتي مثل ما انا متأكد انك مسعطر براسه واذانيه
وبعدين كلامي ماهو قرآن منزل !! يمكن فيه خطأ
ولكن انا ارى ان الطيب مهمّش وليس له قيمه في هذا الزمن // الا ما رحم ربي !!
ولا انكر ان هناك من يقدر الطيب .. وان هناك ( عالم عايشه على مزارق الطيب )
ولكنهم القله !!



9 - من تحب اكثر انا ولا فارس ؟؟ << لعنبا سوالفكم


تصدق على هالسؤال .. ودي اتقاضى منك في احد ردودك علي / والله انها موافقه
طيب .. الحب من الله لذلك ، كنك على راسي انت وياه !!





و سلامتك


سلمت من كل شر




ودي اسألك و اكثر الأسئلة لكن ظروف و إنشغال الله لا يشغلنا إلا في طاعته

و انا موصّي حوران عليك و هو عند ظني ولاهو بمخيّبه
وانا وياه شي ٍ واحد << تعاون على حق و باطل



تمنياتي لك بقضاء وقت ممتع و فائدة ,,


فمان الله

امّنك الله .. تشرفت بوجودك ومداخلتك الجميله
اما بالنسبه لحــوران .. عزالله انك وصيته
وعزالله انه حفظ الوصاه