الجرح أرحم إذا يرجع من أغليته.. رائعة للشاعر عبدالله الظفيري

[عبدالله آل عامر]

بسم الله الرحمن الرحيم
:
أسعد الله أوقاتكم أعضاء وزوار مجالس قبيلة العجمان بكل خير
:
أقدم لكم قصيدة صوتية من كلمات وأداء الشاعر: عبدالله الظفيري
:

اللي بقى لـي مـع الأيـام .. وفّيتـه=والضيق لـو ينهمـر تشربْـه وديانـي
ما هي كبيـرة علـي والحـزن غنيتـه=وْلا هـي غريبـة إذا وقتـي تحـدانـي
الخوف يا من نبشت القلـب وأدميتـه=لاعشت زهرة شبابك وأنت وحدانـي!!
كم جرح خذْته من الأحباب.. ضمّيتـه=وجروح قلبـي زكـاة لْحُـبّ خِلاّنـي
مطعون؟ عادي ،، جفا الأقراب؟ داويته=تعبان؟ مبطي ،، ردى هالحظ؟ خاوانـي
صدمه؟ بسيطه ،، هَوان الحـال؟ مرّيتـه=مقرود؟ أدري ،، وإذا حرمـان؟ عدّانـي
ما فـاح هـمٍّ لـك الله مـا تقهويتـه=ما مـرّ حـزنٍ بغيـري مـا تبلاّنـي!
ياما ويامـا مـن الخـذلان .. عديتـه=إلا بصاحبْ .. بعد عِشـره تناسانـي!!
أزريـت لأنسـى غيابـه ليـن ناديتـه=والمـوت لامـن تجاهلنـي وجافـانـي
وينه يجينـي .. وكـل عْتـاب كنّيتـه=يا ليت يدري بعـد فرقـاه وش جانـي!!
من كنت طفلٍ وأنا أرجـاه فـي بيتـه=شيّبت.. وأثره على هالحـال خلانـي!
حتى جنـاح العَتَـب لرضـاه ذليتـه=ما طِرْت بعده فـرح مـن ذلّ جنحانـي
يا قلب صبرك .. ترى كل شيّ سويتـه=ما كان أفضل من اللي كـان بإمكانـي
لو بيّ قـوة علـى الهجـران؟ خليتـه=لو بـيّ ذرة مـن النكـران؟ يفدانـي
الجرح أرحم .. إذا يرجع مـن أغليتـه=مجروح؟ فِدوة .. ولكن صعب وحداني!

:

:
للتحميل اضغط هنا
:
تقبلوا تحياتي وتقديري
: