أبو ينصح ولده قبل الزواج لتحقيق السعادة الزوجية وياقلب لا تحزن ......................
-في البداية ما يحتاج أذكرك بالقطو اللي تمصع رقبته ليلة العرس ودي أقول نمر ولا أسد بس أخاف تفشلنا على العموم القطو يؤدي الغرض.
-ياليت اخوياك يجون يبشكون عندك اول ليله من الزواج وتخليها تكبس لكم ذيك الكبسه اللي يحبها قلبك ولا تفكر ابدا انك تجيب عشا من برى عشان مايضحكون عليك اخوياك
- في الصباح خلها الله لايهينها تسوي لك الفطور وحاول انك تطلع فيه اي عيب حتى لو هو نواشف وان حطت صامولي قل ابي مفرود وان حطت مفرود قل ابي توست يعني (استقعاد)
- شف اهلها وين ساكنين وحاول تبعد عنهم اكثر من ثلاثين أربعين كيلوا يعني اذا كانوا في السويدي انقل للنسيم او النظيم أفضل واذا هم في الشمال انقل للجنوب عشان تعقدها في نفسها وتخليها تنسى وجه امها وخواتها
-اذا كانت زوجتك من النوع اللي ترفع خشمها وتتفلسف كثير كثر من العزايم لاهلك وخصوصا امك ولا تعلمها ان اهلك جايين يعني ماتدري الا هم داخلين عليها
- طنش فاتورة التلفون من فتره الى اخرى ولا تسددها الين يفصلون الخط على مهلك الدنيا ماهيب لاطايره ولاسله
- اذا حوشكم وسيع فمافيه مانع من انك تدخل السياره في الحوش وتخليها توسع صدرها بتغسيل السياره وتلميع الكفرات وترتيب الاشرطه
- وانت جالس معها حاول تسوي نفسك مرتبش اذا جاك اتصال على الجوال وكثر من كلمة ياعمري وياحبي لك
- سو نفسك ديمقراطي وجمهوري ومستقل وشاورها في كل شي واذا قالت رايها سو العكس على طوووووووووووول
وش رايكم نصائح ذا الابو مرتبة صح........
ما اقول الا حسبي الله عليك من ابو..ههههههههههههههه
22-02-2005, 03:29 AM
العرض الشجري
المواضيع المتشابهه
