نجد قلبي ضاق والدمَع همّال / يكفي عليه الهمْ لا تُوجعينه

[مانع الوعيلي]

يا مزيّن الدلَه أَبي مِنكْ فِنجَال
كايفْ يكفْكفْ دمَع عينٍ حَزينه



لا بالله إنيِ ماعرِف ضِيقة البال
هيِ مِنْ سبِايب نجَد أو ساكنينه



يا صاحبِي وشْ فيك ما ترَحم الحَال
ما ترَحم اللي ذاق مُر الغبيِنه



يا نجد قلبي ضاق والدمَع همّال
يكفي عليه الهمْ لا تُوجعينه



يا ساكنه في نجد الوِدْ لا زال
لا زلت اودَك والمشاَعر دفينه



من الجفى يابنت عُود الهوى مال
دام انْ عُوده مال لا تكسرِينه



يا وجَد حالي عُقب ما ضاق هالبال
وجد الضنين اللي يدور ضنينَه



او وجد عاشِق سكرة الهجَر تغتال
قلبه وقلبه / ضَايعاتٍ سنينه



او وجَد مضيومٍ شَكى لوعة الحال
يشكيِ من اللي باخلٍ في حنينه



منّي ترا ذا اليل بيجِيك مِرسال
من صوتي اللي دايمٍ تسمعينه



يمّا تجي صوبي وتلدْ باقبال
ولا بساَفر واترك لِك المدينه