,, الســــــــــؤال ,, ؟

[صالح ال كحله]

بعد ... غيبهـ
اعود لكمــ .... متمنيا
ان تنال هذه المتواضعهـ .. استحسانكمــ

الـى متـي ياللـي ذبحـك التغلـي=يامن سكنت القلـب واشعلـت نـاره
تليت قلبي يـا اريـش العيـن تلـي=وانـا غريـب مبعـد مـن ديــاره
اشفق على شوفـك وارحـب واهلـي=كنـي سجيـن (ن) بلغـوه بزيـاره
لا يا بعد ناسي .. وراسي .. وكلـي=لا يا عمار.. القلـب لا... يـا دمـاره
حبك سكن بالقلـب واصبحـت خلـي=وشيدت لك وسطه صرووح وعمـاره
لا شفـت وجهـك ضاحـك مسفهلـي=ما عاد اغبط اللي بكرسـي الـوزاره
لبيـه.. مـن قلبـي ولبيـه ياللـي=اطغاك حسنك مـا تعـرف الخسـاره
واثق تقـول انـك ابـد مـا تزلـي=وانت الـذي حطيـت بالقلـب امـاره
الوصل يـا مظنـون عينـي يحلـي=حب جمع قلبيـن... واعلـن خيـاره
اعتب علـى قلبـي عتابـك يسلـي=وارسل على عيني من الرمش غـاره
وطبع الغـرور اقـول خلـه يولـي=والحر تكفـي لـه رمـوز الاشـاره
يا...ابو العيون اللي هدبهـا مظلـي=ترى عزيز النفـس يقـدح شـراره
((جاوب سؤلي لا سئلتك وقل لي..؟ ))=(( قلبك معـي والا تغيـر مسـاره ))
وان كان غيري في خفوقـك يحلـي=وش عاد اقول ... الله يعين العبـاره
من باعني بعتـه وانـا فـي محلـي=ولا عـاش راس مـا يـرد اعتبـاره
غيـر مسـارك لا تـزيـد التغـلـي=العود لامن جـف سهـل انكسـاره !!

:

:

وسلامة قلوبكمـــ

[راكان المحفوظي]

الله الله

صح لسانك يابو علي وبيض الله وجهك على القصيده الجزله

[عـسـاه خـيـر]

الاخ صالح ال كحله

هلابك من جديد

وصح السانك على هذه القصيده الررائعه

نتمنى نشوف جديدك يا الشاعر

//

[هداج تيماء]

قصيدة رائعة صح لسانك يا الشاعر المبدع صالح ال كحله

[الفرس]

العود لامن جف سهل انكساره ..


روعه .. في قمة الروعه صضح لسان الشاعر صالح ..


ابيات رهيبه .. واحساس مرهف ..


تقبل مني ازكى تحيه ..

[مهرة النسيان]

((جاوب سؤلي لا سئلتك وقل لي..؟ ))=(( قلبك معي والا تغيـر مسـاره ))

الله الله


الابداع يبتدي من اول حرف الى ااخر حرف ..

دمت ررائعا اخي صالح وفالك المليووون

[~ورد~]

صح لسانك

[صالح ال كحله]

المشاركة الأصلية كتبت بواسطة راكان المحفوظي

الله الله

صح لسانك يابو علي وبيض الله وجهك على القصيده الجزله

ابو محمد

صح الله ابدنكــ ...

ووجهك ابيض

تقبل تحياتي

[صالح ال كحله]

المشاركة الأصلية كتبت بواسطة عـسـاه خـيـر

الاخ صالح ال كحله

هلابك من جديد

وصح السانك على هذه القصيده الررائعه

نتمنى نشوف جديدك يا الشاعر

//

عساه خير

صح ابدنك

لاهنت على متابعتك ومرورك

[صالح ال كحله]

المشاركة الأصلية كتبت بواسطة هداج تيماء

قصيدة رائعة صح لسانك يا الشاعر المبدع صالح ال كحله

هداج تيماء

صح الله ابدنكــ

مرورك اسعدني واشادتك شرف

تقبل كل الود