وداعــيـــه ... مــلكـعه بـس غـيـر

[ملكعه بس غير]

بسم الله الرحمن الرحيم
مسيتو بالخير عضو عضو وعضوه عضوه
وش حال الجميع اربكم بخير
والله اني مبطيه ماكتبت في منتداي العزيز ولاشاركت معكم يااحبايبي
لكن يعلم الله اني متابعه لكم سواء اني ادخل واشوف او تجيني علومكم من اعضاء تشرفت بمعرفتهم خارج المنتدى
وانا انشغلت عنكم بالفتره اللي فاتت الله لايشغلنا الا بطاعته
هالمنتدى اللي جمعنا على خير ومحبه واحترام من بين الكل منتدى تندمنت اني ماشاركت فيه مبطي لكن قدر الله وماشاء فعل لقيت في هالمنتدى اهلي وجماعتي اللي يرفعون الراس وتسعدني رؤية مشاراكاتهم عبر الشبكه العنكبوتيه لقيت فيه الاسلوب الراقي والاحترام المتبادل والقلوب الصافيه وبصراحه اعجز اني اوصف لكم شعوري اتجاهكم جميعا لكن يعلم الله اني احبكم في الله...

وللأسف الفتره الجايه بستصعب الدخول للنت بسبب انشغالي وظروفي وانشاءالله انها خير لكن السيء فيها انها بتقطعني عنكم

وداعـاً .. لإشخاص أثرو فيني
شيخة الغيد ... ماراح اقول لش الوداع انشاءالله مستمرين يالغاليه ولاتزعلين مني اماااانتش امااانه بس قصم اني كنت في البر << رايحه عند السبسب أبرك سبسب ماابعده :D
عجمية الرس .. إختي الصغيره وصديقتي وحبيبتي قضيت معش اسعد الاوقات وانشاءالله مستمرين
نور الليالي ... أول من تلفاني بهالمنتدى واعز خواتي فيه وانشاءالله ياربي تكون بخير
زينه خوية نحول ... إقلبي وجهش وش تبيني اقول لش هذيني مقابلتش 24 يوميا وش عاد :D
يوران ...مصممه رائعه وكان لي الشرف بمعرفتش اخت عزيزه
راعية الذود ... كنت اسميش القطوع واللحين قلبتيها علي هاه هههههه
فديتش والله يوفقش في دراستش وتنالين ماتمنينه انشاءالله :D
غرور ... لبى كبدش تقولين متخيله شكلي مملوحه الملح كله والقبله انتي فديتش وموفقه حبيبتي بدراستش والله الله في بعض انتي وراعيه لااحد منكم يخلي الثاني
الجوري .. موفقه اووختي وتقبلي تحياتي


أبوحمد الشامري ... اولا اشكرك على هالمنتدى الرائع وثانيا تشرفت بمعرفتك والله يوفقك ويسعدك ويخلي قلبك دوم اخضر<< تراه يقول ماخلاه يصير دب الا كذا :D
محمد الشامري ... ماخاب من سماك ملك عزيز وغالي وابن الغوالي
قطنان ... الله يوفقك ويعز مقدارك ويرزقك على قد نيتك ان كانك طيب وحنون
بدر العرجاني ... قدرك كبير وغالي علي موفق ياعزيزي
راكان المحفوظي ... اخ عزيز وغالي وتمنياتي لك بالتوفيق
فالح العمره ... اغلب مواضيعك قريتها وودي اعلق او ارد لكن روعه ماكتبته تخليني استحي ارد اخاف ارد رد ماهو بمستوى مواضيعك إلى الامام (( مبروك النجاح كان ودي ابارك لك من اول لكن السموحه ))
أبو راكان .. جزاك الله الف خير ووفقك في دنياك وفي آخرتك ان كانك افدتني في الكثير من مواضيعك
عبدالله العامر ... الله يوفقك بدراستك ويريح بالك ومبروك الاشراف
راكان اليامي والنايف ... مدري ليه بس لاشفت النايف يطري علي راكان وان شفت راكان طرا لي النايف هو انتو تقربون لبعض ولا ليه !!!
والله اني فاقدتكم مبطي لكن عسى المانع خير وتمنياتي لكم بالتوفيق دنيا واخره
بومسعود ... السلام عليك وشلونك عساك طيب < توهقت مدري وش اكتب لك هههههههههه :D
عزوة اخوانه ... ادري غيرت اسمك بس جايزن لي ذا وياما اسعدتني بردودك
شبيب ابن فنيس ... موفق عزيزي
غالب ... جعل علمك غانم < تذكر سالفتها هالكلمه ههههههههههه الله :D يسعدك ويهنيك ويردك من الغربه << اخبرك مغترب مدري عودت ولا لا
حوران ... الله يخليك لعين ترجيك والله يوفقك
فهيد الكفيف ... الله يوفقك ويخلي لك بزورتك وتفرح فيهم ويفرحون فيك وتفرح فيهم
خااالد ... مدري كم الف في اسمك وهقتني فيها والله يسعدك ويجعلك دوم مبسوط
رومنسي في جبوب ... ياناس احد يفهمني اسمه ترا بقعد سنيني كلها وانا افكر وين ذي جبوب تقبل تحياتي اخي العزيز
راشد العتل ... ونعم ياابن عمي وتمنياتي لك بالتوفيق

.................................................. .................................................. ............
.................................................. .....................................


والله ادري اني ناسيه ناس واجده
لكن السموحه ولااحد يزعل علي امانه لبى قلوبكم ولي الفخر والشرف بمعرفتكم كلكم والله يشهد اني حزينه على فرقاكم لكن انشاءالله علومكم ماهي منقطعه عني بنشد عنكم وانشاءالله ربي مايفرقكم ويجمعني بكم على خير ويجمعنا في جنانه انشاءالله
حسبي الله على ابليسكم والله غصتني العبره
والسموحه ان كاني اخطيت بحق احد سامحوني ولاتاخذون علي تراني خبل بيحو وحللو من اخيتكم
وتراني بطل عليكم كل يومين لااحد يحش فيني ياويله ترى لي جواسيس هنا ديرو بالكم
[fot1]وودعــتـــكــم الــلـــه الــذي لاتــضــيــع ودائـــعــــه [/fot1]

مع السلامه

[ملكعه بس غير]

أقووول لااحد يجي يكتب كلام يقطع قلبي
قولو ابرك واسعد لاتبكوني بليز :D
بعدين وش ذا الفضايح رازين عمري هاه حطوه مخفي لوسمحتو ههههههههههههههههههه

[عاشق العليا]

ملكعه بس غير

لك من اسمك نصيب

[عبدالله آل عامر]

أول شي الله يبارك فيش خيتي ملكعه والله يريح بالش دنيا وآخرة :0:

ثانيا والله ما لش عذر عقب هالقطاعة تجين توادعينا:0028: .. طيب ليه؟؟؟ حد مزعلش جبنا لش راسه :0085: وإن كان الدعوى ظروف إن شاء الله إنها بتعدي ونشوفش ملكعه اللي خبرناها :vb_wiggle2:
ومشكووووورة جداً على المشاعر الطيبة لكل اللي ذكرتيهم واللي ما ذكرتيهم

تقبلي تحياتي؛؛؛؛؛؛؛؛؛؛؛؛؛؛؛؛؛

[ابومحمد الشامري]

ههههههههههههههههههه ابرك سب سب ما بعده هذا اللي عجبني في الموضوع اقصد التوقيع:joke:

واما الوداع ما حنا مرخصين اعضائنا المميزين يخلونا كذا والسبب اننا في المنتدى نعتبر انفسنا عائلة وحده ولا به فرق ولكن الدنيا وظروفها الغلابه تحد الواحد انه ينشغل او ينقطع من ربعه الغالين ولكن ما ينساهم ويواصلهم بين الفترة والثانيه.

الاخت القديرة ملكعه تأكدي لو رحتي فمجالس العجمان سوف لن ينسى اعضائه المميزين امثالش.

اخيش
ابوحمد الشامري

[ملكعه بس غير]

عاشق العليا
شكرا للمرور

مرحبااا عبدالله ويالله حيه
وانشاءالله يفوز خويك بن عبيان
واما تجيب لي راس من زعلني يالبى كبدك جعلك ذخر لااهلك ولايعوزهم لغيرك ويخليك لهم < وشفيها قالبه عجوز على هالدعاوي
والعفوووووووو لكن والله هذا شيء من لاشيء مما في قلبي لهالمنتدى واعضائه

أبوحمد
يامرحبا ومسهلاااااا
وانا انشاءالله قلته ان كاني قدرت ابشرو والله ماني مقصره بجي وبطل عليكم واما علومكم انتو جايتني جايتني انشاءالله والله يجعلها علوم الخير انشاءالله
موفقين انشاءالله

[أبعاد]

الاخت العزيزه ملكعه بس غير.....*

يأسفني حقا أن اسمع خبر الوداعيه المفاجئ هذا

انا عن نفسي حقيقه مثل ما راح افتقدش ........
راح افتقد صورة البرقع الي يلفت نظري كل ما شفت اسمش.....

وتأكدي تماما من أن حن لا يمكن ننسا الأعضاء الكرام مثلش وشرواش.وانتي لش مكانه عاليه فيما بينا جميعا

وعسا المانع يكون خير أن شاء الله ...وأسال الله تعالى لكي التوفيق....*

ونحن بنتظارش متى ما زانت ظروفش حبيبتي.....**

عزيزه غاليه سوا حاضره ولا غايبه .....*

أبعاد....*

[ملكعه بس غير]

هههههههههههههههههههههههههههههههههههههههههههههههههه ههههههههههههههههههههههههههههههااااااي

<< تشقلبت تقشلبت الين وصلت للصاله ورجعت من الضحك :D "" أمحق نصبه مااكبرها ""

اما عاد بتفقدين البرقع ههههههههههههههههههههههههههه
حلوه منش
ياختي هو لو انه مهوب جايني بالوراثه من جدتي التاسعه عشر ولاكان قلت لش مايغلا عليش بس اخاف بناتي يبونه ولا شي ههههههههههههههههههههههههههههههههههههههههههههه
يمه حسبي الله على ابليسش فطستيني ضحك
وجعلش ماتفقدين غالي وانشاءالله المانع خير لكن انا انشاءالله بجي متى ماقدرت والله يعز مقدارش ويرفع مكانتش تسلمين حبيبتي

[راشد العتل]

الأخت ملكعه بس غير

عضوه متميزه في مجالس العجمان
بصماتها وجهودها تشهد لها على الجهد الطيب

فنتمنى تراجعين القرار

ومجالس العجمان ماتنسى اعضائها المبدعين

تحياتي وتقديري
ابومحمد

[ملكعه بس غير]

عجمية الرس لش ساعه لابده بالموضوع ترى بسطرش لوتكتبين كلام يبكيني مهوب احسن لش يابنت