هب البراد وبشر الوقت بالخير

[جبل بن زيد]

هب البراد وبشر الوقت بالخير = والغيم في جوه تزبر سحابه
نسمع على رفحا وبلقان وعشير = غثاء سيلن كل طايف حكابه
يالله من المنشى على (عليه) يسير = زفول نون إيتقارع ضبابه
يهل وبله مثل ضرب المسامير = يقطع على الشعبان بأعلى هضابه
لحيث ماتعرف عسوس ومداوير = حوزم صدين تزبن الي وزابه
وانشوف زفق العشب فيها مزابير = أتقول داخل في دهاليس غابه
خلاص مايحتاج للوضع تأخير = يا لعنبو رجلن ما يغنم شبابه
قررت اشيل العفش فالحال واغير = جاهز ولا يحتاج عندي حزابه
والجيب ربعن من الامارات تصدير = يحرم عليه ماحدن قد مشابه
وخوت نشاما طيبين مناعير = أما من اقصى الناس ولا قرابه
يازين لا شفنا الجوازي مدابير = مايسلم الي راح ينقل صوابه
بمضلعن مسلوب والمخمس قصير = اتجمل القانص وبالي غزابه
انزل وشب النار في حزة عصير = في مدركن كن الزوالي ترابه
والنجر يصقع والغواري مناحير = تقطع وازل الفصل وأشخل سرابه
نحلق ونشرب من قناد المباهير= فنجالها يدرج ونثني شرابه
وسوالفن يبدابها شيخنا الزير = ثم القصايد ثم جر الربابه
والعشا من صيد حر الصقاقير = اضغط وشو واحنذ ولا به غرابه
انا أشهدن للعمره لذه وذي غير= اغنم شبابك قبل يطوى كتابه
ما يسعدك جمع الذهب والدنانير= المال ينفد لا تحسب حسابه

[عبدالله آل عامر]

انزل وشب النار في حزة عصيـر = في مدركن كـن الزوالـي ترابـه
والنجر يصقع والغواري مناحيـر = تقطع وازل الفصل وأشخل سرابه
نحلق ونشرب من قنـاد المباهيـر = فنجالهـا يـدرج ونثنـي شرابـه

صح لسانك والله لايهينك ياجبل بن زيد على القصيدة الرائعة

تحيتي لك؛؛؛؛؛؛؛؛؛؛؛؛؛؛

[فهد بن محسن]

الاخ جبل بن زيد

صح الله لسانك ولا هنت على هذه الرائعه


تحياتي لك

[جبل بن زيد]

ارررررررررررحبو يارجال

صح الله ابدانكم

ولا تهونون


ولاهنتو على مروركم الكريم

[ابونايف الوعيلي]

نحلق ونشرب من قناد المباهيـر
فنجالهـا يـدرج ونثنـي شرابـه
صح لسانـــك اخووي جبل بن زيـــد ولاهنت على القصيدهـ الرائعـــه
اخووك ابونايف الوعيلي

[جبل بن زيد]

اررررررررحب يابو نايف الوعيلي


قايل مايهون

وصح الله بدنك


ولاهنت على مرورك الكريم

[عاشق القبّا]

ابن طميران صح لسانك قصيده جزله من راس جزل

[جبل بن زيد]

المشاركة الأصلية كتبت بواسطة عاشق القبّا

ابن طميران صح لسانك قصيده جزله من راس جزل

ارررررررحب ياعاشق القبا

صح الله بدنك


ولاهنت على مرورك الكريم

[راشد العتل]

بوزيد صح لسانك وعلا شانك
وسلمت يمينك

قصيده جزله يالجزله

ودايم تجيب الجديد وتجيد

تحياتي واشواقي
ابومحمد

[جبل بن زيد]

المشاركة الأصلية كتبت بواسطة راشد العتل

بوزيد صح لسانك وعلا شانك
وسلمت يمينك

قصيده جزله يالجزله

ودايم تجيب الجديد وتجيد

تحياتي واشواقي
ابومحمد

ارررررحب يابو محمد


وصح الله بندك


ومن قال يسلم



تشرفت بمروك الكريم