ما يضيّق خاطري غير الوداع

[البركان الثائر]

بعد فرّيت القلم بين اليراع=هاض نظم القيل من مجنونها
والقوافي مالها من الهجس راع=قادها قود النضي وظعونها
ما يضيّق خاطري غير الوداع=والأمانه شالها مامونها
وأشهد أن الطيب بالهافى ضياع=من مواثيق الرجال يخونها
من تعوّد للمهونه والخداع=ما طهر لو رغرغت صابونها
لو برك للحمل مرّه ما أستطاع=للثقايل يرتكي زبونها
مثل من ذكره مع العربان شاع=من رجال(ن)للعدي طاعونها
صامل الوقفات حلال النزاع=في ليال العسر والا هونها
حاتميّ الكف وضيوفه شباع=من يحط الضان فوق أصحونها
وأن لقي له ناس في دربه جياع=كل يوم(ن)يمتلي ماعونها
المراجل والشكاله ما تباع=وأهلها بنفوسهم يشرونها
والسفينه في بحر تسعين باع=تصفق الأمواج حول أركونها
راسيّه لو الهوي هز الشراع=من فضل رب البشر مع كونها
قلتها ما كل من يامر يطاع=والقبائل مختلف قانونها
يوم أذيع العلم للعالم يذاع=الذيابه لا تجر ألحونها
الثّعاله تتدرج قدم السباع=وأن تعدّن كشّرت بسنونها
والله اللي غيرت هاك الطباع=لو قنب ذيب الخلاء من دونها
يوم رزق الذيب من كسب الذراع=أن نظرها صفرت طبلونها
كيف بنت كليب ربتّها الضباع=قصة(ن)ما قلتها يقلونها
فرّقوا بين السوالف يا الرّعاع=والبحر في قاعته فرعونها
ما جهلّنا في الثنيّه والرباع=ثابته للناس شوف اعيونها
مال بعض الهرج يا أهل الهرج داع=يا كبودن ولّعت غليونها
الحكي في الناس ما سرالضفاع=وكم عيال(ن)رزقها من شونها
للنّبي خير الوسيله والشّفاع=الصلاه وعد وبل امزونها

[راشد العتل]

قلتها ما كـل مـن يامـر يطـاع
,,,,,,,,, والقبائـل مختـلـف قانونـهـا
يـوم أذيـع العلـم للعالـم يـذاع
,,,,,,,,, الذيـابـه لا تـجـر ألحونـهـا



البركان الثائر

صح لسانك وعلا شانك

ابيات جزله منك يالجزل

نترقب جديدك

تحياتـو

[فهد بن محسن]

فرّقوا بين السوالف يـا الرّعـاع
@@@@@@@@@والبحـر فـي قاعتـه فرعونهـا
ما جهلّنـا فـي الثنيّـه والربـاع
@@@@@@@@@ثابتـه للنـاس شـوف اعيونهـا



صح لسانك يالبركان الثاير


ولا هنت على هذه الرائعه

تحياتي لك

[ملكعه بس غير]

المراجـل والشكالـه مـا تـبـاع
وأهلهـا بنفوسـهـم يشرونـهـا

صح لسااانك ولاهنت

[الوافـي]

البركان الثائر

صح لسانك على القصيده الرائعه

والله يعطيك العافيه

تـحياتـي لك اخي الكريم