%%إذا ضحك الزمان بطرف نابٍ.....فذاك الليث في فمه المنية%%

[سعد بن هادي الشهراني]

السلام عليكم ورحمة الله وبركاته..


مصافحة أولى أتمنى أن تنال الرضى يا صبيان يام.....




صلوا على النبي

يـا ربـي هـوّن الدنـيـا علـيـه=وجنّبنـي عــن دروب الخطـيـة
حصـاد العمـر كلـه فـوق متنـي=مسجّـل بيـن كـم حسنـة وسيـة
عسانـي مـا سجـدت إلا لوجهـك=وعسى نفسي ليـا فاضـت رضيـة
وعساني في الخوي ما أسخي وأقصر=وعسى الذمـة مـن الذمـة بريـة
ما ابـي ألقـاك فـي يـومٍ يهـوّل=وانــا اردّد...ألا تـبّـت يـديــه
فلـو بأعمالنـا ..مـا بـه مرابـح=لكـن رحمتـك يــا رب البـريـة
ومـن فلـت حبـال الطيـب دونـه=غدى له في الـردى روحـة وجيـة
وشبحـك صـوب كسـاب المدايـح=ليـا ردّ البـرى يـزبـن خـويـه
إلا من جمل يستـر مـا جمـل بـه=ولا تشتـك فـي هــذي وذيــة
وانا ما أخمـدت مقبـاس الحقايـق=مـدام عـروق راس الطيـب حيـة
على العشرين عاميـنٍ مضـت لـي=وأشوف إن الزمـن قـد بـار فيـه
أجل من شاب راسه وش بيشكـي؟؟=صدوف الوقـت..أو جـوره وغيـه
ونـا مـا همنـي الدنيـا ..وهمـي=تمشينـي عـلـى دروبٍ سـويـة
إذا مـا كـان فعلـي مثـل جــدي=وريـث السيـف والكـف النـديـة
سلايـل متعبيـن الخيـل قـومـي=ضنى شهـران فـي فزعـة وهيـة
وروحـي دون ربـعـي فالشـدايـد=أوردهـا علـى حــوض المنـيـة
وإذا مـا زادنـي بالطيـب خـالـي=(سعد بن عون).. لا جـت للحميـه
نسـل قحطـان ..وافيـن الشبايـر=أسـوق إلـه العمـر وآنـا سميـه
حيـاةٍ مـا بهـا عــزة ورفـعـة=مـا ابيهـا دامهـا تحسـب عليـه
ما ابيها لو هي قصـور ومناصـب=حيـاةٍ فانيـة مـا هــي هنـيـة
ولا يـا وجـد حالـي وجـد عـودٍ=ما لحق من الزمـن يـا كـود كيـه
قضى عمـره وراحـو نـص ربعـه=وهـو يرقـب متـى يلحـق خويـه
وصكـات الزمـان آمـر وأدهــى=من مواجـه عـدو صبـح وعشيـة
أشوف الناس فـي وقتـي لواهـي=مـع الـلـذات والدنـيـا الدنـيـة
ماتعطي الرجل منهـم شـي واحـد=وإذا أعطـت لا يظـن إنهـا هديـة
هـذا ديـنٍ علـى الظهـر ابتـرده=إلـى منهـا نـوت لـه لـو بنيـة
تأكّـد يـا ابـن آدم صـدق قولـي=ودونـهـا لأبـنـائـك وصـيــة
صـدق راعيـك يالبيـت المركـب=كـأن البيـت ذا قـد صيـغ لـيـه
إذا ضحـك الزمـان بطـرف نـابٍ=فـذاك الليـث.. فـي فمـه المنيـة

وســـــــــــــلا متــــــــــــكم




وكل عام والجميع بألف خير..

[مهرة النسيان]

لا هنت وصح لسانك مصافحه جميله ..

مرحبا بك في مجالس العجمان وهذي الساعه المباركه ..

تشكراتي + تقديري

[ابومحمد الشامري]

صح لسانك يا سعد وقصيدة رائعة بانتظار الجديد يا السنافي

[عبدالله بن شيبان]

صح لسانك على ذا القصيد الطيب

والنعم فيك و في خالك تستاهل الخير

لاهنت طال عمرك

[محمدالنادر]

الاخ سعد صح الله لسانك

وبيض الله وجهك ونعم بك

وبخالك قصيده جزله من شاعر

جزل ويعطيك العافيه تقبل مروري

وتقبل تحياتي اخوك

محمد النادر

[سعد بن هادي الشهراني]

المشاركة الأصلية كتبت بواسطة مهرة النسيان

لا هنت وصح لسانك مصافحه جميله ..

مرحبا بك في مجالس العجمان وهذي الساعه المباركه ..

تشكراتي + تقديري

ولسانك....


والله لا يهينك...


مرور تشرفت فيه.

[مسعطر]

الله الله الله ..

جزززلة من جزل ..

صح لسانك ..

و حياك في مجالس العجمان بين ربعك و إخوانك ..

تقبل مروري ..

[صبا الهاجري]

ومـن فلـت حبـال الطيـب دونـه
غدى له في الـردى روحـة وجيـة

صح لسانك وسلمت يمناك..
تقبل مرورك

[الفند اليزيدي]

صح السانك ولاهنت يالسنافي
دامك ولد قحطان ابشر بعزك
وابشر بخير الملا ذي دعالك
ضيم النفوس الرديه مايحزك
حتى لو الملا بارضنا تهالك
مثل ماقال غيري فلا يهزك
ريح وان رضختلها تنالك
تسلم يمناك

[مطلق اليامي]

عسانـي مـا سجـدت إلا لوجهـك
وعسى نفسي ليـا فاضـت رضيـة
وعساني في الخوي ما أسخي وأقصر
وعسى الذمـة مـن الذمـة بريـة



صح صح لسانك



قصيده جزله



وكفو



في إنتظار جديدك



تقبل تحياتي