سفــــر { جديدي ..~

[همس الجنون]

بسم الله

قصيدة جديدة لي وسميتها سفر ..~
أتمنى تعجبكم ..~


بسافر عنك لأوطانك ويرويني الدمع ترياق
وأرحل عن سنا نفسي لعشقن ثابت أبوابْه

وبحكيلك عن جروحن ومابّل العيون أطواق
وما قد بات في ليلن طواه الهم فثيابْه

هنا .. قصة حكي غيمن يبكيني مع الأشواق
بشفاة الصدور الي جفاف الحبر بكتابْه

تنفست الهموم إلين كْفّنْتْ الدمع أحداق
وعودني كيان الأمس .. دفينن باقي ترابْه

أعيش ولا أنا عايش وأموت ولا أنا أنساق
فؤائد الهم يجبرني أصادق كل طُلابْه

يروقْ فمطلبي كيفه وأنا مطلبه لامنْ راق
سفر عيّا يلمْ غياب ولاهو ينثر غيابْه

واذا كِنْت أختفي بالجرحْ فهذا موطن المشتاق !
أجيله كلما عوّد يجيب الحزن أحبابْه

وانا في غربتي / دفتْر .. نستْه تضمه الأوراق
نثرني حظي العاثر على أبواب كُتابْه

لقيت النْفس تسقيني سموم العشق طْرْفْ وساق
وكل الشوق ياخذني شموعن تضوي رقابْه

وأنا إن جيتْ أسولفلك .. أذوب فصمت بي سواق
يسابقني زمان الحب وأنا من كان يحيابْه

تعودته خطأ البارح كثير يغمني باعواق
يسايرني ظلامه لين ينعي كل ماجابْه

وينتاب الضمير الحي بقايا حسْ ماينطاق
يود ومطمعه كسري وليت يخون فحسابه

لانه مابقى لي دمع لحدود الوصل تواق
بقى شرياني لك يدمي ويجبْر احرف عتابْه

وإذا بيوت الشعر خانت فذا خطي وذي اوراق
بسطر عشقي المجمل جنون يطوي سحابْه

اهي كلمةْ احنقتني لين سكني صمتها المشتاق
وكْلمات احتوت فيضن يبل الرمش واهدابْه

صحيح إن العيون تصيح اذا غمرتبها الأشواق
وأنا كل إشتياقي صاح إذا عوّدت أحيا به !!


وسلامتكم

همس الجنون
حقوق الطبع محفووظة

3:45 pm
15/8/2009

السموحه

[ليــه يازمـــن]

الله الله عليــك

يروقْ فمطلبي كيفه وأنا مطلبه لامنْ راق
سفر عيّا يلمْ غياب ولاهو ينثر غيابْه

صــح الله لســانك عــلى القصـــيده الطيـــبه والرائـــعه

تقبلي تحيتي

[همس الجنون]

صح الله بدنك تسلم
لاهنت عالمرور الاروووع يحميك ربي

السموحه

[( ابومحمدالشامري )]

صح لسانك وعساك على القوه

[همس الجنون]

تسلم ولاهنت
صح الله بدنك