كل عام وانتو بخير
أموت فيكن يابنات التحليه مـن غيـر ليـه=يااهل الحـلاوه والذرابـه والبراقـع واللثـم
ياورد جده ياشـذى اليشمـوم يانـدٍ وتيـه=الله يخليكن لبعض وجعل لـي فيكـن قسـم
أربع بنات وكل وحده حسنهـا فيهـا يتيـه=لكـن فيهـن وحـدة فيهـا جمـالٍ مارحـم
قلبٍ تولع بالجمـال ومالقـى مـن يحتويـه=يهوى الشموخ وهقوته من فوق عالية القمم
نظراتها لي ملفته كنها تمعـن فـي الوجيـه=ولا كما اللي فاقـدٌ لـه غالـيٌ منـذُ القـدم
سألتها ليش التجنـي بالنظـر قالـت كذيـه=مسـويٍ فيهـا لذيـذ اسلـوب ولا محتـرم
وقالت وهي متنرفزه ياهوه ويش اللي تبيـه=وانا عيوني غافيـه وموقـفٍ كنـي صنـم
قلت الوكاد ان لي خويٍ ضايعٍ وانا أحتريـه=وانـا خويـي يابنيـه دم واعـروق ولحـم
قالت كلامك مانفهم وضـح كلامـك يانبيـه=قلت الخوي هذا فوادي يوم شافـك فانصلـم
قالت تركد وانتبـه ماابغـاه يسمعنـا سفيـه=ثم نبتلش بمطـارده ولا يقـول اخـذ الرقـم
قلت الكلام اللي بقوله جعـل يرحـم والديـه=منهو بزاك وعلمـك فـن الكتابـه والرسـم
ياسيد كل الزين والله في الحلا مالـك شبيـه=حتى الحكي من شفتك لوقيل ياتي لـه طعـم
منهو شرب من شفتك ينسى غلاة امه وابيه=انتي طعم ريقك يقـال انـه عـلاجٍ للسقـم
قالت بقول الك الحقيقه والكلام اللـي وجيـه=علا شحم لوكان تبغاهـا كـذا عـلا شحـم
قلت اسمعي هاتي يدينك وامسكي من غير ليه=يدين منهو عقب شوفك صار قلبـه منقسـم
من بعدها جابت يديها واشبكتها فـي يديـه=الشاعر اللي كان وضعه في البدايـه محتـرم
وقال الكلام اللي بقوله جعـل يرحـم والديـه=من علمك لبس البراقع لا تورط فـي اللثـم