قصيده الشاعرالكبير علي ابن بلال في الشيخ مهدي ابوراس

[تركي بن ناصر]

الاخوه ولاخوات الاعزاء السلام عليكم ورحمه الله وبركاته وبعد__هذه القصيده من اروع القصائد اللتي سمعت في المدح من الشاعر الكبير شاعريام هامور الشعرالنبطي الشاعرعلي ابن سعيد ابن بلال ال فطيح وهي قصيده موجهها الى من هو يستاهلها وهو الشيخ مهدي ابن محمد ابوراس ال فجيحه شيخ شمل قبيله ال فجيحه__@ويقول فيها

سلام الله بقاف ماخذيته من حدا الشعار=كما الفنجال لول يوم صب البن وبهاره
يخص الشيخ ابوراس المعرب وافي الاشبار=خلاصه كل شيخ ماضي له فعل وكباره
ملاذ لرفاقه ولعواني ولخوي ولجار=له البيضا سوات الشمس في راس الجبل شاره
بعدما شحوا الحكام وشيخان وتجار=رصيدي طحفلي تقبس النيران من ناره
يرحب في الكويت وفي الرياض ويكرم الخطار=وفي نجران ولجهراءوفي ا لوفرا ء وفي واره
جملنا شامخ النيبان قام يواصل المشوار =وراه الجيش تشرب غبها من طول مشواره
اقوله يوم جينا من ديار وناحرين ديار=ومنصانا مديح فيه خيرالقول نختاره
حيانا وجاب مفطحات في صحون كبار =وبن وطيب ويبشر علا الضيفان ببشاره
وقدم لي بطاقه ماملك في البنك من دينار=وقدم لي بدون مبالغه فله وسياره
وقفت ابغااتعذرواثرماهو يقبل المعذار =عطاه يتم ماهويلحقه فجر وكفاره
طويل الباع حلال العقدلي عمست لشوار=شجاع الراس من ربع قروم تنطح الغاره
رجال قدخذواتاج الوجب قدم الرجال جهار=زمان الحرب مابين الجموع يدق مزماره
عسى خيره كثيرومن صواديف الزمان مجار=وعسى تفداه ناس للوفى وطيب قباره
انا مادام راسي حي ماضيعت له مقدار=الاياكبرمعروفه ولاياكبرمقداره
وصلاه الله علا خيرالعبادمحمدالمختار=عددبراق غيث ينعش السنين بمطاره

[راكان اليامي]

لاهنت وصح لسان ابن بلال ونعم في ال فطيح جميع

[محمد ال الضريره]

تركي بن ناصر

كالعاده مميز

صح السان ابن بلال

وكفوا للمادح والممدوح

خالص تقديري

[سعود الخويطري]

الله الله


صح الله لسان شاعر يام علي بن بلال



ونعم الف بالمادح والممدوح الشيخ مهدي ابوراس



بدع جزل من ابداعات ابوسلطان




ولاهنت يالسنافي على النقل



وتقبل سلامي واشواقي

[الخديدي]

لاهنت وسلمت يمنيك ياتركي
وصح لسان الشاعر...

[الهشامي الهاشمي]

صح اللسان شاعر يام

الشيخ علي ابن بلال كفو

والشيخ مهدي أبوراس كفوويستاهل المدح من يكسبه

ولاهنت ياتركي ابن ناصر على النقل

[السلاطين]

صح لسان شاعر يام ويستاهل المدح ابو راس
ولا هنت يالي نقلتها

[يامي والدم حامي]

مشكور وماقصرت على هاذه القصيدة ...
تحياتي

[عاشق الأماكن]

تركي بن ناصر


لاهنت على النقل الجميل أبو سلطان أبدع وأبو منير يستاهل ويستحق الثناء وعادة زيادةً على ذلك صميدع في كل شيء ..!! وكم تمنيت أن لايسمع ولايطيع أعدأه حتى لايصبح في هذا الوضع المحزن نتمى أن يصلح الله شأن القبيلة جميع ...

[تركي بن ناصر]

الله يعافيكم على الردود الجميله