اسعد الله ايامكم بكل خير....
باقه جديده حبيت اهديها لكم عسى ان تحوز على رضاكم
غنيت لك من صافي الحب طاروق=يسترجع التايب معه ذكرياته
وسقت القوافي لجل عينك كما النوق=تارد على وصفك وتحمل صفاته
ياللي بزينك ما يجاريك مخلوق=الله عطاك الحسن وجمل صفاته
حتى بني جنسك معك مالهم سوق=لو شافك الأطرم نطق من سكاته
من لا يسمي بينهم جعله العوق=ولا عسى ربي يعجل مماته
من وين ما صديت جاذبني الشوق=وتعبني التفكير الملم شتاته
مره اقول إني على الحظ مسبوق=ومره اقول الحظ ضيع عصاته
الناس قالوا كل مطرود ملحوق=وانا اقول الصبر اعلن وفاته
ابطلبك حاجه وابي عهد موثوق=ما يختلف لو غير العهد ذاته
اما ترد اللي من الجوف مسروق=ولا تقول آسف...وهذي وصاته