الله يبض وجه عبدالله ويرحم يام كله = ياهل المعروف وهل المقام السامي
كل شمر في يديك الخضر ياعبدالله = فيك من طبع المعتصم وشيمت الاكرامي
وفيك من تقوى عمر واحتسابة الله = وفيك من نخو العروبه فزعة المقدامي
وفيك من سيف الجنازه بالوغاى يا سله = مايرده يم غمده غير راسه دامي
يالقهوجي خذ فناجيلك وشيل الدله = ومد فنجال الوفا لعبدالله بن اليامي
من سعد بن رمالي حب راسه وقله = قله يسلم راسك المطنوخ يالمقدامي
شمراً ترفع لك البيضا وتفرش زله = يا عسا اقدامك تدوسه مع الايامي
وكان لهل الطيب دوله تراك محتله = وكان للهيبه رجال تراك صدامي
وكان للنخوه اهل والله انت اهل له = وكان للفزعه اصل فانت ليها الحامي