::يــــا مــســـافـــر ::

[ناثرة الورد]

{ أبـو محمـد }

والله لو اني معاكـ بالطيارهـ وتكحكح كان قطيت نفسي من الطيارهـ

[king الوادي king]

ناثرة الورد
لاهنتي على الموضوع والسفره
اما مصر فانشديني عنهم لاقلت بروح المكان الفلاني
اي ياباشا على راسي يا باشا ناصبك ناصبك لو انك اصحى الناس ولا قلت ليش هاذا كذا سعره
قال ايه يا باشا انتي كريم واده الدماغ يستاهل

واسعارها اي بالله زينه مره مناسبه النصب
يا قدع يا باشا

[ناثرة الورد]

المشاركة الأصلية كتبت بواسطة king الوادي king

ناثرة الورد
لاهنتي على الموضوع والسفره
اما مصر فانشديني عنهم لاقلت بروح المكان الفلاني
اي ياباشا على راسي يا باشا ناصبك ناصبك لو انك اصحى الناس ولا قلت ليش هاذا كذا سعره
قال ايه يا باشا انتي كريم واده الدماغ يستاهل

واسعارها اي بالله زينه مره مناسبه النصب
يا قدع يا باشا

هههههه والله انكـ صادق بكلامكـ كلامهم يفر المخ من رحت عندهم وانا عايشهـ الدور
كلهـ يابرنسيسهـ وياشيخهـ رفعت خشسمي لما رديت علي اهلي

والمصيبهـ ينصب عليكـ ويسوي نفسهـ مسكين ويدعي علي ويقول ربنا علي الظالم عاد
انا صار فيني مانعهـ لادعوا قلت الله فوق

[فهيد الكفيف]

المشاركة الأصلية كتبت بواسطة ناثرة الورد

شكلـي انا ويـاكـ يابومحمد اللي بس نسافر والا شنو

سفـرتي هالمـرهـ راح تكـون للقاهـرهـ وخذينا قطار رحنا للاسكندريهـ قعدنا فيها يوم تقريبا هذا اذا مو اقل ^_^


التاريخ : 24/ 7 /2009
المدينه : القـاهـرهـ و الاسكندريهـ ..
الفندق : ستي ستـارز بمدينهـ نصـر ..
الفندق حدهـ روعهـ وعالمي وكالعادهـ لازم في سوق تحتهـ عشان بابا مايتعب معانا

بحطلكـ صور للفندق هذا الفندق ومدخل السوق طبعا هو لهـ مدخلين رئيسي بروحهـ ومن السوق لهـ مدخل :



مدخل الفندق اللوبي :



هذا الفندق من ورا مسبح و مطاعم :



هاذي السينما حدها تونس طبعا تحت داخل السوق :




سعر الليله : اتوقع انها كانت 220 دولار ..

فترة الاقامه : اربع أيام مااطول فديتني اخاف امور الدولهـ تتهور بدوني

الاسعار والعمله : اذا ماتتعرف تتعامل مع الشعب راح ينهبونكـ بس كشكل عام اسعارهـا حيل حلوهـ والعملهـ جنيهـ ..
الخطوط والتذاكر : الخطوط الجويهـ الكويتيهـ وكالعادهـ التذكرهـ ببلاش مدري ب5 ..
سعر التذكره
الجو : كان الجو بارد حلو بس بالاسكندريهـ كان حيل روعهـ ..

المواقف : وانا بالاسكندريهـ يعني مسقويهـ واتشيحط قدام اختي لاني انا عارفهـ لهم وابوي مدرسني عدل عشان مايستغلوني مريت البقالهـ قلتلها ابي كرت ب50 جنيهـ كان تقولي 55 جنيهـ يعني انا فالحهـ قلتلها نصب عيني عينكـ مامداني اكمل الا قبت علي بغت تاكلني بقشوري من الخرعهـ بغيت احب راسها طبعا مصخرتني اختي ذاكـ اليوم

والموقف الثاني كنا رايحين الاهرامات وانا طلبت حصان طبعا اختي احترت تبي تقلد وتسوي فيها قويهـ واحنا نقنها يابنت مني مناكـ مو راضيهـ حضها ركبت حصان مرجوج راح فيها طبعا من الضحكـ انا وبابا ماقدرنا نسوي شي صج ايام تونس

وانطرونا انا وفهيد بمغامراتنا الجايه

سفره ما شاء الله باين كانت ممتعه وعسى دوم الفرحه لكم وللاهل جميعا

اتمنى لك التوفيق...

[فهيد الكفيف]

المشاركة الأصلية كتبت بواسطة ناثرة الورد

{ أبـو محمـد }

والله لو اني معاكـ بالطيارهـ وتكحكح كان قطيت نفسي من الطيارهـ

واطلب ماي من المضيف مسوي فيها ان الوضع عادي وانا طول السفره اكح

[فهيد الكفيف]

مـــاراح نباعد عن ديرة ياباشا

وين رحت يـــامـــســـافر

مـــــصــــر

التاريخ : شهر 1/2010

المدينه : القاهره

الفندق أو السكن : فندق هليتون رمسيس و شقه


فترة الاقامه : 16 يوم

الاسعار والعمله : الجنيه المصري

الاسعار طبعا انت خليجي ففيه اعتقاد انك جهاز صرف آلي متحرك .. الا اذا كنت عارف الديره عدل وتعرف تتعامل مع ناسها تكون الاسعار عليك اقل من المتوسط



الخطوط والتذاكر : الخطوط الجويه الكويتيه - على حساب الدوام


الجو : كان ممتاز

المواقف : بعد انتهاء الكورس والتسوق من المجمعات رح لاحد الاحياء الشعبيه المعروفه باسواقها اللي تجمع ابداعات المصريين

واسم المكان :العتبه - المسكي

المهم

مع زحمه الناس هناك يالله تمشي وبعد دوخة راس لقيت محل عنده حركات عجيبه غريبه فقلت اشتري منه

سعرت الاشياء اللي ابي اشتريها هذا بــ20 وهذا بــ15 وهذا بــ10

طلع حسابي كذا

قلت له عندك كي نت

قالي
بتقول ايه ياباشا !!!!

قلت له اسف اني سألتك
بروح شوي وارجع لك(طبعا ما قلت له بروح بنك)

رحت ورجعت

وسلمت الفلوس وسويت شك عالبضاعه

وانا طالع قالي

باشا

الحساب ناقص !!!!!!!!!!!!!!!!!

الحبيب طمع فيني

ما اطول عليكم

بعد شد وجذب .. مني مناك

المصري فصل علينا

المشكله المحل في منطقه شعبيه

مالقيت الا مصر كلها اجتمعت عند باب المحل والسبب صياح صاحبنا البياع (مع ان عمره تجاوز السبعين) يحلف ويمسك القران ويحلف عليه ان قالي اسعار تبدأ من 90

صدمني

يحلف بل بل

اللحين لاني سالم عالبضاعه ولاني سالم عالفلوس

باقي اسلم على نفسي وعلى خويي

وكأن اللي واقفين على باب المحل ناطرين كلمة السر

اللي يحب النبي يضرب

بكل ذكاء وحكمه ( يا شين اللي يمدح نفسه )

قدرت اطلع سالما معافا بدون اي خدوش او جروح من المنطقه ... بس الفلوس والبضاعه ما طلعت وياي


ملاحظه : طلعت الفلوس بطريقتي الخاصه


بانــتـــظـــاركــ
يـــا مســــافر

[king الوادي king]

فهيد لاهنت على الموضوع طال عمرك وسفره سعيده ان شاء الله الجايه باذن الله

اما النصب والله لو انك مهب في قريه وسوف شعبي والله لو انك في بسطه ان يسرقك
اما الحلف وكل الله ياولد يحلف في عواله وفي امه وفي اللي يملك على ان الف جنيه
ياشيخ راتب الموضفين المصاريا يسولف علي مصري يقول 700 جنيه على كلامه
لكن زين انك طلعت سالم منهم بس ماجابو فيك العيد وسرقوك وانت تشوف ياباشا
ولاهنت على الموضوع المميز

[فهيد الكفيف]

المشاركة الأصلية كتبت بواسطة king الوادي king

فهيد لاهنت على الموضوع طال عمرك وسفره سعيده ان شاء الله الجايه باذن الله

اما النصب والله لو انك مهب في قريه وسوف شعبي والله لو انك في بسطه ان يسرقك
اما الحلف وكل الله ياولد يحلف في عواله وفي امه وفي اللي يملك على ان الف جنيه
ياشيخ راتب الموضفين المصاريا يسولف علي مصري يقول 700 جنيه على كلامه
لكن زين انك طلعت سالم منهم بس ماجابو فيك العيد وسرقوك وانت تشوف ياباشا
ولاهنت على الموضوع المميز

حياك الله


الحمد لله ان طلعت سالم والا الفلوس تروح وترد


وبانتظارك يا مسافر

[فهيد الكفيف]

ياجماعه محدمن اللي زارو الموضوع سافر ؟

غريبه !!!

الفايده من الموضوع مو بس ذكر السفرات او جهات السفر او المواقف

الفايده

تبادل المعلومات عن بعض البلاد وعملاتها واماكن السياحه فيها واسعارها

يعني نبي يكون هالموضوع مثل بنك معلومات ولوبسيط للاعضاء عن الدول اللي زرناها


ماراح اذكر اي سفره ثانيه الا بعد ما اشوف احد الاعضاء حاط لنا سفره من سفراته

[ناثرة الورد]

شكلهـ مامن احد يسافر غيرنا حتي انا صارلي احباط

ان شاءالله بجمع لسفرتي وانزلها هاليومين