هذي وصاتي واعرف الي يوصيك
السلام عليكم ورحمة الله وبركاته
اقدم لكم هذه القصيده واتمنى ان تحوز على اعجابكم
لا تحسبني يا اريش العين ناسيك = عيني تراها بعد هجرك شقية
والقلب لا قفيت كنه يناديك= وكنه يقول ارفق بحالي شوية
صديت عني ثم خاب الرجا فيك =وازريت لا جاريك بلعنجهية
لا جيت ابا صارحك وللا بحاكيك = صديت عني وارتكبت الخطية
وهذي جريمة يا عسى الله يخليك= لابد ما نفتح ملف القضية
من شان بفعالك وذنبك نجازيك = وباقي جزا لك عند رب البرية
بعلمك حاجة وبعطيك واعطيك = دروس تبقى في السنين المدية
لا بعتلك شخص وبالعز شاريك= ما عادلك عند البشر قابلية
وهذي وصاتي واعرف اللي يوصيك =يالله عسى انك تلتزم بالوصية
وان كانك معند ولا احدن يحاديك= بخضعك واحطلك جاذبية
وان عودت للصدق ماني براجيك = ماني بقيس ولانتي العامرية
واتمنى من المشرفين التنسيق
واتمنى النقد من الشعراء الموجودين ولكم جزيل الشكر
التعديل الأخير تم بواسطة : الغروب بتاريخ 15-03-2009 الساعة 10:01 AM.
|