مجاراه جديده الشاعر عامر الحجرف وشاعر يام ابن بلال

[عامر الحجرف]

السلام عليكم ورحمة الله وبركاته



هذه المجاراه بين الشاعر عامر الحجرف وشاعر يام ابن بلال

اتمنى ان تلقى صدى اعجابكم وشكرا للجميع.

البارحـــــــه قمت آتحرا خـبر خـير= من طــــــارفة رجلن لفتني علومه
رجلن حشــــــيم وله معـزه وتقدير= كريم مايملك عطــــــــــا لو هدومه
تلقا الشحــــم ودلال صفرن مباهير= في مجلسه والظيف يقضـي لزومه
سولف بها عندي ارجالن مســـايير= ناسن اتصلي فرضها ثم تصـــومه
قالو نبيك اتفســــر العلـــم تفســـير= جو السما صــــافي وشفنا انجومه
عن السـحاب اللي ردم تالي عصير= جتنا اعلومه والرجال امحشـــومه
قلت الوفا وافين مــن غير تقصــير= مثل الرفيق اللـــي يشــرف قدومه
في سـاحة الميدان من ســالم الزير= عليه مـن وصـــــفه وقوة اعزومـه
سمــوه شــــاعر يام ليام المعاصير= سمـوه حكـــام العرب والحكــــومه
حقــايقن ماقالها صـــــوير وعـوير= الحق واضـــــح بيناتن ارســــومه
ماشـــوف فيها لفتن تعكس الســير= كم بيت مبني والبيوت امهــــدومه

الشاعر عامر الحجرف

لاهـنت ياشــــــوق البني الغـنادير= وريث من بكبود الاعـــداء اوســومه
ريف المســـير فاليالـي المعاســير= تذريه عـــن برد الزمــان اوســمومه
اتورد افكــارك اوترجــع مصــادير= وتشـــتال عن بعض الرفاقه اهمومه
واليا شـذب صاحـبك خطوا امعيثير= عود اوســــيفه كـــــاثراتن اثلـــومه
ســوالف الانذال من باب تقصــــير= فـــــي كـــل طيب تعتبرهــــا غـنومه
والوقت عبرعن هل الصــيت تعبير= فالبينات الشــــــامخه مـــن ارجومه
نعطي ونقري ساعة العسر وانجير= وناطا على اللي به من الجهل زومه
للــــي نخــــانا مـــاندور معـــــاذير= كـــم قومتن تهفـــو لهـــــا كل قومه
عن من نخـــانا نحتمل للمخـــاسير= وقفاتنا عن كــــل دون امعصــــومه
والحال واحــــد يافتى الجود لاغير=علم بهــــا من جــــاك يبدي احلومه
اسمع قليل من الاشـــــاعات وكثير= والســـر ماينباع للـــــي يســـــومه
مـــال الوجـــيه الطافيه غير تحقير= والشـــــعر يخدم والقروم امخدومه

شاعر يام ابن بلال

[ابومحمد الشامري]

الشاعر المبدع عامر الحجرف صح لسانك على المجاراة الرائعة بينك وبين شاعر يام علي بن بلال

[عامر الحجرف]

لاهنت يابو حمد الشامري على التعديل ولا خلا ولا عدم

[الغروب]

الشاعر

عامر الحجرف

صح لسانك على المجاراة الطيبة مع الشاعر يام بن بلال

دمت بخير

[عامر الحجرف]

لاهنت يالغروب على المرور

[مطلق اليامي]

الشاعر المبدع عامر الحجرف صح لسانك

وصح لساااان شاعر يام علي بن بلال


الله يعطيك العافيه و ابو سلطااااان

كفو و انت كفو

تحياااااااااااااتي

[بن شعيل العدواني]

مجاراه جزله من شعار جزلين بيض الله وجيهكم.

ولاهنتو.

[راكان الحثلين]

صح لسانكــــــــــــــ ولسان يـــــــــــــــــام بن علىي بن بلال

ابيــــــــــــــــــاتـــــــ جزله ـــ

[عامر الحجرف]

مطلق اليامي ماعليك زود ولاهنت على مرورك الكريم تقبل تحياتي وتحيات شاعر يام ابن بلال

[عامر الحجرف]

من بني يام لاهنت على مرورك الكريم تقبل تحياتنا جميعا