وصف الرجال

[منصور الوذين المري]

وصف الرجال
لاعلني في قصيدتي المتواضعه بين يديكم احبتي اشرح بعض مواقف الرجال التي مرت علي من خلال السنوات التي مضت الا انني لأجد نفسي الا من ضمنهم سواء بالطيب او عكسه وهذا ماذكرته فيها ،، وكذلك رؤيتي للأخرين هل هي صحيحة ام لا ،، وتجدونها بأخر بيت وبالشطر الأخير منه .
اتمنى ان اكون اجدت ولو بالقليل مما ذكرت ،، وكذلك اعجبني شطر بيت شعري لأحد الشعراء اضفته للأقتداء به بعد ان وافقت القافيه له وتم ذكره حفظا للحقوق .

يامل قلبـن يسـج وفيـه دولاجـه = ذا شطر بيتـن لعبـدالله وفـي حلـه
خذته وانا دارين ماني علـى حاجـه = ولني على نظم قافه صرت فطنن لـه
وحيثي مجرب لطبع الناس ومواجـه = حبيت ابين بعض طبع العـرب كلـه
بعض العرب رفقته لاصار له حاجـه = وإلى إنتهى لازمه منت برفيقـن لـه
وبعض العرب يتبع المعروف كرباجه = يدس فعله إيخاف الناس تفطـن لـه
وبعض العرب غايته يوقدبك اسراجه = يفرح إذا بان من الايـام بـك خلـه
وبعض الأوادم يصج الناس بلجاجـه = صليب صوتن معافـى جعلـه العلـه
وبعض الاوادم بقلبن كنـه الصاجـه = أسود مجخر ولمز الناس طبعـن لـه
وبعض العرب لانصيته وانت محتاجه = في عينك إنه كبيـر ومسكنـه فلـه
تظهرعذاره بشمت الوقت وأعواجـه = ويرجح به الساس صوب اصله وذادله
والا بو وجهين هذا صعبـن إعلاجـه = همـاز لمـازن لادينـن ولا مـلـه
وبعض العرب طيبن ساسه ومنهاجه = الطيـب فالـه ودرب الخيـر يندلـه
وبعض العرب مجلسه للناس مسهاجه = كريـم سبـلا وجهـه بـش ومدلـه
الى نصيته وجدته يضحـك احجاجـه = والى نخيته يمينـن تقبـض السلـه
مافيـه لفـه ولاغيـض وتعيواجـه = صبي الصمايل ودرب العز شفن لـه
والبعض يعرف مداخيلـه ومخراجـه = والبعض الاخر شقـردي ماهثمـه لله
وانا تـرى مثلهـم مانـي متناجـه = لو تنشد النـاس عنـي قالـو ايبلـه
وان كان زليت في قولي علـى اجـه = مانـي بصاحـي اوالعينيـن محولـه

منصور منيخر الوذين المري

[حمود بن فطيس]

الله الله الله



صح السانك يالسنافي وبيض الله وجهك



تقبل تحيات مودعك



حمود بن فطيس

[مهرة النسيان]

عز الله انك اجدت الوصف ..!!

صح لسانك مدد بلا عدد..

بانتظار جديدك اخوي ..

[مسفر مبارك]

بيض الله وجهـك على القصيدة الجزله اللتي أبدعت فيها صح الله لسانك وعساك عالقوة

[عـسـاه خـيـر]

الاخ منصور بن وذين صح السانك ولاهنت على هالنص الرائع

[هداج تيماء]

قصيدة رائعة صح لسانك يا الشاعر المبدع محمد الوذين المري

[منصور الوذين المري]

حمد ابن فطيس
لاهنت يالغالي على المرور والمتابعه
مهرة النسيان
يسعدني مروركي ولاهنتي
مسفر مبارك اشكرك دبل على المرور والمتابعه
عساه خير
شكرا لك على المرور
هداج تيماء
يسعدني مرورك ولاهنت

[محمد الضاعني]

قصيدة جزلة من راس جزل صح لسانك يا الغالي

[منصور الوذين المري]

محمد الضاعني
يسعدني مرورك
ولاهنت يالغالي