حلول الفرعيه منا ونتقبل الحلول منكم

[عجمي صريح]

بسم الله الرحمن الرحيم

كيف حالكم عساكم بخير

موضوعي اليوم عن امر للاسف لا يقبله لا عقل ولا دين وهو الفرعيه

بصراحه انا ما انصح بالفرعيه لانها هي سبب تشتت القبيله والعنصريه

هل معقوله مافي حلول اذا قلنا مئة شخص من القبيله نازلين الانتخابات ونبي نطلع منهم اربعه فرضاُ

ماهي الحلول غير الفرعيه اتمنى التجاوب مع الموضوع للوصول الى الحل المناسب

بصراحه انا عندي حل وهو كتألي :-
شروط دخول الناخب بالقبيله

1- ان يكون حاصل على تعليم عالي يعني من البكالريوس وما فوق

2- ان يكون ملم بمعلومات كبيره ومتحدث يعني بالعربي ( ما يتاتا او مايلهث ) وقوي الشخصيه

3- ان يكون راعي دين ويخاف الله في خلقه

4- ان يكون غير عنصري

5- ان يكون صادق وعاقل وذكي وطيب السمعه

اتوقع اذا توفرت في شخص بكون كفو للمنصب

طبعا هذي الشروط لتقدم الى الانتخابات مو شخص والله مخلص متوسطه وينجح على حساب ربعه الاغلبيه ظلم طبعا !

وبعدين تتكون لجنة من العجمان ووعله ومره واهل الجنوب يعني نفترض

عددهم 8 بس اتمنى يكونون دكاتره او مثقفين على الاقل ويقسمون انهم

يرشحون الافضل لا تدخل فيها عنصريه ولا تفرق صدقوني مردود هذا

الشي بعدين مو الحين وبين وبينكم افضل وهذي وجهة نظري انه الي يدخل

مره مايدش مره ثانيه يفتح مجال لغيره لانها مو احتكار او وراثه هذا رائي الشخص

اتمنى الموضوع اعجبكم وبانتظار ردودكم شكرا للكل


نصيحه :-
خذ بيد اخيك المسلم قبل ان تقطع يديك

وجهة نظر :-
القبيله مثل الشجره اذا اسقيتها نمّت واذا اهملتها ماتت

حكمة :-
من عاش بوجهين مات لا وجه له

مع السلامه