يقول اللي هجوسه لاضواه الليل جته أجواز = تخالف في ضلوعه مالها غير النكد عازه
سبايب وقته اللي للردي وابن الردي منحاز = زمانن في عيون أهل المعالي حط مخرازه
زمانن يبتدي بدروس وآخرته عبر والغاز = يشيب راس من حاول يفكك شفرة الغازه
زمن كله غرابيل وضيقة بال واستفزاز = تعشت بومته صقره وغربانه كلت بازه
سقاني وقتي المر وجبرني أمسك المعكاز = عسى الله يقطعه وقتن جعل بالكف عكازه
دخيلك ياإلآهن من كسب مرضات وجهه فاز = دخيلك يامنزل بالكتاب الطاهر إعجازه
طلبتك ياقوين رافعن عرشه بلا معناز = إلآهي لا تخلي لي بكف الآدمي عازه
إلآهي ساعد اللي عن دروب المرجله ماجاز = ولا حصل رفيقن يسنده ويحقق إنجازه
مدام المرجله صعبه ودرب العز (مايعتاز)= ودرب العز نايف مايطوله كل من هازه
يقوله من هجوسه لاغشاه الليل جته أجواز = تجي منحازتن ضده وتسري منه منحازه
* مع أجمل التحيات والتقدير * جابر بن جلاب .
14-10-2007, 07:57 PM
العرض الشجري
المواضيع المتشابهه
