صلوا على النبي
الجمايل مكسـب الرجـل الفهيـم=لا تحسـب انهـا تـدم و غايبـه
ما ورثها غير صنيان (ن) حكيـم=قدوة لـه (خـوه) والا ( شايبـه)
شاذبينه من علـى عهـده فطيـم=لين صار احـض عنـد النايبـه
لا تعزوى اتقول شيطان (ن) رجيم=ما يعرف الوجـه فـي حرايبـه
مزبن منـه وزابـه مـا يضيـم=حـازم ثوبـه مــع عصايـبـه
زايد طيبه علـى القـول السليـم=قـدم يمنـاه الفعـول الطايـبـه
ان وقف للعلم فاسمـع لـه عليـم=ما يخوجل علمـه اللـي جايبـه
وان لفاه الضيف ترحيبـة كريـم=سمعهـا جـاره علـى قرايـبـه
وان حظى الماجوب عون لزهيـم=مـا تصـدد بالعـزوم الخايـبـه
وان بدى له من بني عمه غريـم=ما غـرز جنبـه عليـه وحايبـه
ذيب ليل ما سمـع شـور الهليـم=ولاجعل ربعـه عشـاء طلايبـه
ولا تقفا الخلـق شمـات وشتيـم=ولا وقف في شان نـاس عايبـه
الـردى و الخبـث يقنـاه اللئيـم=عـدة (ن) يلـزي بهـا جلايبـه
والوفاء والطيب ناقـوس الحليـم=بـرق ليـل قـاسـم سحايـبـه
كم فتـى طاريـه يرفـع بالنعيـم=نعمـوا لـه بالعلـوم الصايـبـه
وكم فتى قد مات من عصر قديـم=( راح ذكره عقب ركز انصايبه)
29-04-2006, 05:50 PM
العرض المتطور
