السلام عليكم ورحمة الله .......
بدون مقدمات ... اطرح جديدي بين ايديكم
خل الزعل واخذ العذر والمعترف يعطى مجـال ... ماهــي مــن اول غــلطة لـــه تعلن صدود وجفا
ياصاحبي وين العهد وين الوعد يابن الحـــلال ... نســـيت ولا مــاتبي فــــي الحالـــــــتين افا وافا
كــانك نسيت اذكــرك يابـو الدلــع يابو الــدلال ... ماتذكر اللي قلت لـــي يــوم ان تلاقــيـنا خــــــفا
يومك تضم الكف بكفوفك وتسحبني ..تعــــــال ... وجـلستـني جــنبك وراق الــبال في لــحظة صفا
وخذيت مني عهد واعطيتك وعهدي لايـــــزال ... يــومك تـقول ارجــوك تـوفـــي لي وانا كلي وفا
وحلفت لي انك معي في اي ظرف وبأي حــال ... وحـبل الـوصل مـن بـيـننا مــــاينقطع مهما عفا
وشـبٌهت قصتـنا بغـصن يــانع يبـغي ظــــــلال ... واصبحت ظله في الشموس وفي البروده له دفا
بشٌر تذكرته او انك مستحي والعهد طــــــــال ... وقـلـبـك نـفا عــهده وانـا مابـغـي عــــهـود تنـٌفا
ان كان هذا ماحصل مابغي نقاش ولا جـــدال ... قل لي ثلاث سـنـيـن مــن عمـري تـكـٌفـيني كــفا
وانا يكفيني ثــــلاث سنين ماخطيت ومحــــال ... واول خــطا عــقب الـثلاث ســنـين تـعطـيـني قفا
انت اللذي شقيت ظل الغصن وانهيت الظلال ... حاولـــت لكــن ماقــدرت ارفيـه ماهـــو يـنـرفـا