(( الصده هي الصده ))

[نواف محمد بن شلوان]

أخواني وأخواتي الأعزاء

أسعد الله جميع اوقاتكم بكل خير

أضع بين أيديكم هذه القصيده

وعسى أن تحوز على رضاكم

[line]

ألا يا قلب لاتحزن ألا ياعين لاتبكين =على من صد دون أسباب والصدّه هي الصدّه
يقربني ويبعدني معذبني ثلاث سنين =كفى ياقلبي وعيني ترى صبري وصل حدّه
وقال القلب كيف أنسى وكيف أسلا مع السالين = وأنا المسحور في اللي شالني من جوفك بيدّه
وعيني قالت إنّه نورها وأغلا من الغالين = قمر خمسة عشر لامن ظهر يشبه سنى خدّه
ألا ياقلبي وعيني عسى ربّي عليه يعين = عسى رب الملا يهدي حبيب الروح ويردّه
تكبّر شايفٍ نفسه تغيّر ناعم الخدين = غريب الوصف لاسلهم عيونه حيل مسودّه
وصوفه سبّة جروحي عذابي من كحيل العين = إلا منّه طرا لي صارت أيّام الرخا شدّه
أعيف الزاد والمشروب وأسهر والعرب ممسين = وتفكيري مع اللي قاسي وحبل الشقى مدّه
وهو عارف معي حبه يزود بكل وقت وحين = ويحق له الغلا كلّه حبيبي من يجي قدّه
ولو يقسى وينسى مانسيت اللي مضى للزين = جمايل صاحبي تمحى خطاه اللي طلع ضدّه
ليالي ماضيه تشفع لخلّي نابي الردفين = على عهده زمانٍ فيه علمه بي على عهده
وعلمي به وعلمه بي وليفي في سنة الـ2000 = نهار السبت عنّي صد والصدّه هي الصدّه