ماكل مانقراه للغير يحفظ $ ولاكل ماقلنا لدا الغير محفوظ

[عامر الحجرف]

بعد الغياب عن ساحة الشعر النبطي نعود اليكم بهذه القصيده الجديده اهداء خاص لمنتدىمجالس العجمان وساحة الشعر النبطي .

ماكل مـــــــانقـــراه للغـــــــــير يحفظ = ولاكل مـاقلـــنا لدا الغــــــــير محفوظ
الشــــعـرلاضـــــــاعت معـــانيه يرفظ = ليت الخطاء عــن منبرالشعـر مرفوظ
كم شفت فاليومـــين الاســـود والابيظ =وآشـــــــرّه اللـــــي فالقناوات ملحوظ
على حســاب الشـــــعــر يكتب ويعرظ =يروا من المغــراب ويجــــــنب الحوظ
ياليت روح اللـــي تعــــــب فــيه تقبظ = مســـتشعـــره ومكــــــرره كـل مقبوظ
وسعـرالرخيص اليا ارتفــع يوم يخفظ = مهــــــما يحـاول يرفعـــــه كل مخفوظ
ويبقا الثمين اللــــي على السوق يفرظ =ابفضل من دينه علـى الخلــــق مفروظ
رب السحــاب اللـي من الغــــرب ينهظ = واليا أستهل أخـضـر من وبلـــه الروظ
زلزال رعـــاده يخـــــــــظ البــحــر خظ = مخــــــــــايله تصـــدق اليا جـالها نوظ
والــراي بامـــــــــرالله يفــــــتل وينقظ =والا البشــر لوتفتل الــــــــراي منقوظ
وبعض البشـــــــــــر كـنه وكـيل ٍمفوظ = المعركــــــــه فالعــــافـيه خاضها خوظ
قامـــت طـــــــويلات الاذانــــــي تراكظ =واللـــي عليهـــا كـــاولـــــــيين وافيوظ
والخيل مصــيونه واهل قومــــــة الحظ =حتى يقـــــوم اللــي مـن الوقت ممروظ
ليث ٍليا جضـــو مـن الخـــــــوف ماجظ = وليا هـــرج ثوبه عـن الكـــــذب منفوظ
متى الزمـــان ايحـــــــرم الناشــي الغظ =على الجبان اللـــــي بالامـوال محضوظ
ماجـمـــع الشـــــــــــــتا ولا فضــها فظ = والبيت فوقه من صـباح امـس مقضوظ
واليوم مــــــــــع كل الصـفوف ايتفاوظ = ويضـحك ويوهمهم بشـرهـــات وقروظ
متغطـرس ٍانجـــــــس مــن الفار وابغظ = مرتاح مـــادام النظـــــرعــــنه مغضوظ
وله ســـــــاعـة ٍتســــــــتعجله لو تريظ = حتفا ًلمــن بطــــــنه مـن الذل مخضوظ
وليا اقبلـت مــــــــــاعــــــــاد ربع وقيظ = ماناش فالدنياء ومـاحـــــــاش مفضوظ

[هـيـبـة عـجـمـيـة]

صح لسانك اخوي عامر
تسلم يمينك ولاهنت على هالقصيده
ويشرفني اني اول من يرد

تحياتي

[عامر الحجرف]

لاهنت على المرور المشرف تقبل تحياتي الحاره ولاهنت

[مرسى الاحزااان]

صح لسانك يا الغالي على القصيدة الرائعة

[‏قوس وسهم]

الشاعر المبدع عامر الحجرف صح لسانك

[راع الوضحاء]

صح السانك يا عامر واعجبتني قصيدتك ولي مراسله معاك وانتضرها باذن الولي القدير

[عامر الحجرف]

اسعد الله ايامكم اخواني الافاضل : راعي الوضحاء والاخ قوس وسهم والاخ مرسى الاحزااان
شكرا على مروركم الكريم ان دل فهو حرصكم على ساحة الشعر النبطي ومتابعتكم له تقبلو تحياتي وسلامي لكم .

[صاروخ سكود]

قصيدة جزله صح لسانك يا عامر الحجرف

[مهره ..]

صح لسانك وآعتلى شانك

*_*

[ناصر الغيثاني]

صح لسانك والجزل مايجيب الا الجزل