اسباب اسمي " حياتها خساره "

[ناثرة الورد]

كثير من البشر يسأل عن اسباب الحـزن فينـي = وكثير من البشر وده يعرف بدنيتـي وش صـار
وعلام اللي يقابلني يشوف الدمـع فـي عينـي = وانا توي صغير السن حزيـن وشـارد ومنهـار
انا بحكي بقول الحين عن اللي صار فـي سنينـي = ولكن قبل لا اتكلم ابيكم تحكمـو يـا اخيـار
تعالو واشهـدو يانـاس تعالـو طالعـو فينـي = تعالو شاهدوا جسمي غدى ناحل وعقلي طـار
انا مانـي تـرى مدمـن ولا ضاعـت ملايينـي = وربي يابشـر حالـي سبايـب وقتـي الغـدار
تعالو واسمعوا منـي وش اسبـاب الحـزن فينـي = وشنهي سبة دموعي وش اللـي بدنيتـي اسـرار
يتيمٍ ايه انـا عايـش يتيـم محـدٍ يراعينـي = ولحدٍ عني جاء يسـأل وحيـدٍ جالـسٍ بالـدار
يتيـمٍ مافـي بالعالـم رحـومٍ جـاء يواسينـي = يتيمٍ عايش بحسـره وضيقـه عيشتـي امـرار
يتيمٍ فـي نهـار العيـد محـد جانـي ينادينـي = يقول لي خذ حلاو العيد زمانٍ كنا فيـه صغـار
يتيمٍ صـاح ياموتـي رجيتـك رجـوه تجينـي = يومٍ استاذي قال بكره يجـون ابائكـم ياصغـار
شهادتكم تـرى بكـره وابوكـم لازم يجينـي = بسلمها انا بيده وشهـادة شكـر مـع ازهـار
وجاء بكره وجيت امشي ولحدٍ ماسـك ايدينـي = ومن أي طالب دخل ماسك بدين ابوه صرت اغار
وكنت الاول ولكـن دموعـي كانـت بعينـي = نزل دمعي وسط حفلٍ كبير وحاضرينـه كثـار
مقصر زادها الاستاذ مـا بـارك صـار يعزينـي = شهاده كانت بيدي احسهـا جمـرة مـن نـار
ترى هذا سبب واحد من اسباب الحـزن فينـي = يكفي يابشـر ولا اكمـل وافشـي الاسـرار
عرفتو يابشر هالحيـن ليـه الدمـع فـي عينـي = عذرتوني على جسمي عذرتو عقلي اللـي طـار
وامانـه يابشـر تكفـون اذا منكـم يلاقينـي = لايسألني وش الباقي من اللـي بدنيتـي اسـرار
لاني لو انـا بحكـي جميـع اللـي انـا فينـي = ياناس عقولكم والله بتلحق عقلـي اللـي طـار

[خالد وبس]

القصيده من مذكر .. وانتي حسب نكك انك بنت !!
ومع هذا عزالله قصيده تقطع القلب


صح السانك !

[ناثرة الورد]

اشكرك اخوي علي الرد بس القصايد اكثرها تكون بالمذكر وانا قله من قصايدي تكون بصيغه البنت واللغه العربيه ما فيها شي اسمه لبنت او ولد كلها صيغه مذكر ...

وشاكره مرورك وسعدت بمشاركتك الاولي وجه نظر اتقبلها بصدر رحب ...

وتقبل
احترامي وتقديري

[الشيخه]

حياتها خساره


صح الله اللسانك


والله يرحمه ويغفر له


تحياتى لك

[ناثرة الورد]

المشاركة الأصلية كتبت بواسطة الشيخه

حياتها خساره


صح الله اللسانك


والله يرحمه ويغفر له


تحياتى لك

امين ياااارب ويرحم جميع موتا المسلمين ...

وشاااااكره لج مشاركتج الجميله

[سعد بن بصيص ال فنيس]

صح السانج
والله يرحمه ويغمد روحه الجنه
والدعاء هو جل مايحتاجه الان
وتقبلي مروري,,

[ناثرة الورد]

يعطيك العافيه اخوي سعد الشامري وتشرفت بمشاركتك وردك علي موضوعي

والله يرحم جميع موتي المسلمين ويسكنهم فسيح جناته ..... "امين يارب "

وتقبل :
شكري وامتناني ...

[&آهــــات الحــــزن&]

صــــــــــــــــح لــــــــــــسانش اختي الغــــــــاليه حياتها خـــــــــساره

على الـــــــــقصيده المـــــــــــــــؤثره

والله يـــرحم موتى المــسلمين اجمعيييييين ياااااااارب

لاهنتي غاليتي

[ناثرة الورد]

يعيطج الف عااافيه علي المشاركه اللي اسعدتني ...
وتقبلي
شكري و تقديري ,,,,

[النادر]

مستغرب حيل وحيل وحيل وهم بعد حيل ... إلى ماله مدى
لماذا اخترتي هذا الأسم ؟؟؟
وحصلت الإجابه هنا في هذه الأبيات التي تقطع أوصال القلب قبل أن تأتي إلأى القلب وتشتلعه من مكانه
من قسوة ومرارة ما عانيتيه ...

أختي ...
حياة المسلم المؤمن بربه وبقضاء ربه وقدره مستحيل أن تكون حياته
خساره ...
وإن فقد أعز الناس إلى قلبه .. وإن فقد من كان سبب لوجوده ...
أختي ..
اسمحي لي باقتراح بتغيير اسمكِ المستعار هذا لأنه لا يحمل في طياته أي معنى من معاني التفاؤل
بل كل معاني التشائم تكدست فيه ...

والنبي صلى الله عليه وسلم قال (( يعجبني الفأل )) يعني التفاؤل ..

وقالت العرب قديما تفاؤلوا بالخير تجدوه

واسمحي لي ايضا أنني كلما رأيت لكِ موضوع وعقبت عليه لن أناديكِ
إلا بـ / حياتها سعاده ... لإنكِ مسلمه وكما قلت المسلم حياته ليست بخساره

واعذريني على الإطاله .. وتقبلي ما كتبت برحابة صدر

أخيكِ / صدى الحزن