ابن عمره وقصيدة ( تكفووون يا يام )

[ابومحمد الشامري]

	هذه القصيدة قيلت في انتخابات عام 1999 عندما خسر العجمان المقعد الانتخابي بسقوط النائب خالد سالم العدوه ال محفوظ العجمي ، فهاجت قريحة الوالد محمد بن شبيب ال عمره الشامري بقصيدة يستفزع بها صبيان يام في نجران وعموم المملكة لمساندة بني عمهم العجمان فكان لحضورهم الاثر البالغ واستعادوا العجمان الكرسي الانتخابي . واليكم القصيدة : ( محمد بن شبيب ال عمره الشامري ) تكفون يا يام تراني بحاجه = وأنتم من اللي يفرحون بلزومي يا سهيل نجم الجدي زاد إنحراجه = جوّه تكدر لبدته الغيومي وأنتم صفا جوّه لا كتم عجاجه = من صوبكم متى تجيني علومي وأنتم عضود اللي تعكر مزاجه = وأنتم مفرجت الكرب والهمومي لا صار به يوم كثير لجاجه = يوم(ن) به الفايز وفيه مهزومي انتم هل العادات وانتم سراجه = يا فرحتي لا شفت يام تزومي تحاودوني راكبين الحداجه = والقصد يبغوا عزنا ما يدومي يقول شاعرهم اربعوك هجاجه = نفعاتهم مهيب دايم تدومي كذبت يلي دوم هرجك سماجه = ربعي تعرف الواجبه والسلومي ربعي كما بحر(ن) تلاطم امواجه = لا هاج غطى سهلها والحزومي ذيبٍ عوى وذيب رفعله حجاجه = الله أكبر بشر اللي يحومي ارجوا من الله ثم منك انفراجه = يا عزوتي تمت ودمتم سلومي.