قصيدة في محافظة بدر الجنوب وأهلها للشاعر الكبير عبيان اليامي:-
ياعين لك دمعه تهزالكون واتصحي الرجال = وأنا لي الحسره على فرقا الرجال الطيبين
اللي منازلهم رفيعه فوق هامات الجبال = من كثر ما أغليهم كتبت الشعر فيهم كل حين
أهل الكرم والطيب والعادات وصخاف الدلال = أهل الوفا لاجيتهم تلقا رجال غانمين
وأهل التواضع والحزم وأهل البيارق والسلال = وأهل النوايا الطيبه من فضل رب العالمين
منزالهم بدر الجنوب الديره اللي لي ظلال = مزبان خطلين الأيادي والرجال العارفين
ياديرتي ما همني غربه ولا تجميع ما ل = ماهمني الا أنتي عسال المزن في عرض السنين
شاعرك ياقبضه يمينه ياشماغه والعقال = لوماتذكر نسمتك يموت وأحسن له دفين
أنتي حدودك من جبل خيره إلى طلعت سبال = ومن السميكه لا ورى العرقين شرق الواديين
أهيم بك هيم البدو للبل ورعيان الحلال = وأهيم بك هيم الحضر لامن لفو متونسين
وتفخربك اللي عربوها من عمام ومن خوال = أم العيون اللي حشى ما طالعت للمعرضين
ياديرتي, ياديرتي , مهما يقال من المقال = ماراح أوفيك الحقوق وخابرن ضلعك متين
وأسجد لربي وأطلبه وادعي وكثر الإبتهال = إنه يجيرك ياغناتي من عيون الحاسدين
يابدريابدر الجنوب اللي بك رجال عضال = اللي بقى رمز الوفا واللي أندفن من الأولين